Урад Беларусі ў праграме дзеянняў на 2015 год зробіць упор на пераход ад колькасных паказчыкаў да якасных. Пра гэта заявіў у інтэрв'ю журналістам прэм'ер-міністр Андрэй Кабякоў, паведамляе карэспандэнт БЕЛТА.
Урад Беларусі ў праграме дзеянняў на 2015 год зробіць упор на пераход ад колькасных паказчыкаў да якасных. Пра гэта заявіў у інтэрв'ю журналістам прэм'ер-міністр Андрэй Кабякоў, паведамляе карэспандэнт БЕЛТА.
Цяпер рыхтуецца праграма дзейнасці ўрада на бягучы год. "Нейкіх асаблівых новацый у рамках гэтага дакумента не прадбачыцца. Упор будзе зроблены перш за ўсё на тое, каб ацэнка дзейнасці больш зводзілася ад колькасных да якасных паказчыкаў", - сказаў кіраўнік урада. Не менш важным павінна стаць і "прывядзенне сваіх патрэбаў да нашых магчымасцей".
Андрэй Кабякоў нагадаў, што пры падрыхтоўцы бюджэту на 2015 год у кіраўніка дзяржавы прайшоў шэраг нарад. Першапачаткова бюджэт разлічваўся зыходзячы з прагнозу цаны на нафту $100 за барэль, затым - $83. Цяпер цана на нафту крыху ніжэйшая за $50. "Натуральна, гэта патрабуе адэкватных мер рэагавання з нашага боку, таму ўрад пралічвае мадэль варыятыўнага развіцця сітуацыі (і ўжо маецца чарнавы варыянт), паколькі пакуль ніхто ў свеце не можа прадказаць, на якім узроўні спыніцца цана нафты, як у далейшым будуць развівацца эканамічныя падзеі ў нашых найбліжэйшых партнёраў (Расія, краіны СНД), а таксама ў Еўрапейскім саюзе, дзе таксама не ўсё проста ў эканоміцы, - адзначыў Андрэй Кабякоў. - Гэта сведчыць аб тым, што мы павінны вельмі ўважліва паглядзець на свае бюджэтныя выдаткі".
Пры гэтым кіраўнік урада падкрэсліў: "Ні аб якім скарачэнні сацыяльных выдаткаў, выплат заработных плат і г.д. гаворкі не ідзе. Але тым не менш, ад таго, ад чаго можна адмовіцца, напэўна, давядзецца адмовіцца або вырашыць тую ці іншую праблему фінансавання крыху пазней". Галоўнае на гэты год - забяспечыць збалансаванае паступальнае развіццё беларускай эканомікі, рэзюмаваў прэм'ер-міністр.
Навіны Беларусі (БЕЛТА)