Свята народнай творчасці "Заазерская бярозавік" збярэ жыхароў Полацкага раёна, паведамілі карэспандэнту БЕЛТА ў прэс-службе Полацкага райвыканкама.
Свята народнай творчасці "Заазерская бярозавік" збярэ жыхароў Полацкага раёна, паведамілі карэспандэнту БЕЛТА ў прэс-службе Полацкага райвыканкама.
Мерапрыемства, сімвалам якога стане прыгажуня бяроза, пройдзе 23 чэрвеня ў аграгарадку Заазер'е. Гасцей будзе сустракаць пан Казімір. Падчас тэатралізаванага адкрыцця свята ён раскажа легенды аграгарадка і пачастуе ўсіх бярозавым сокам. Затым для ўсіх жадаючых расчыніць свае дзверы "McDonald's па-заазерску" з выставай-дэгустацыяй апетытнай вясковай выпечкі і фуд-корт "Заазерскі фіш-лайт", дзе можна будзе паспрабаваць рыбны суп і яечню, прыгатаваныя на палаючых бярозавых чурках. Тут жа адбудуцца здымкі пятага выпуску праграмы тэлепраекта "Полаччына гасцінная", падчас якіх будуць раскрыты рэцэпты прыгатавання бярозавага квасу. Руплівыя гаспадыні таксама змогуць выступіць у ролі экспертаў у конкурсе-дэгустацыі "Бярозавы мікс", арганізаваным у фармаце праграмы "Кантрольная закупка".
Аматараў спорту арганізатары запрашаюць у "Вясковы фітнес-дром", дзе ім прапануюць зрабіць этназарадку ў народным стылі (з лапатай, граблямі, цяпкай), паўдзельнічаць у бітве бярозавымі вянікамі, праверыць свае сілы ў камандным летнім кёрлінгу з лазневымі тазікамі, хадзьбе на бярозавых хадулях, турнірах па "Бярозавых шашках" і "Бярозавых гарадках".
Для прыхільнікаў мастацтва падрыхтавана сустрэча з выдатным - мюзікл "Бярозавая рапсодыя", канцэрт народнага ансамбля "Белая чайка", вулічная галерэя рэпрадукцый рускіх мастакоў "Бярозанька-сяброўка" і выстава драўляных вырабаў вучняў мясцовай школы. Не застануцца па-за ўвагай і дзеці. Іх чакае карагод-шоу "Народныя забавы" з аўтэнтычнымі народнымі гульнямі, гульнявая праграма "У пагоні за летам" і катанне на конях. Добрым напамінам аб вясёлым свяце ў Заазер'і стане экспрэс-селфі "Бярозавы цуд" і ўпрыгожанні з бяросты, вырабленыя сваімі рукамі з дапамогай народных майстроў.