7 ліпеня, Шклоў /Уладзімір Мацвееў - БЕЛТА/. Прадпрыемствы павінны ў першую чаргу разлічваць не на дзяржпадтрымку, а на ўласныя сілы. Аб гэтым заявіў Прэзідэнт Беларусі Аляксандр Лукашэнка сёння падчас наведвання завода газетнай паперы ў Шклове, перадае карэспандэнт БЕЛТА. Як падкрэсліў кіраўнік дзяржавы, прадпрыемствам сваё шчасце неабходна шукаць перш за ўсё ў павышэнні рэнтабельнасці, пастаянна паляпшаючы якасць выпускаемай прадукцыі і пашыраючы геаграфію паставак. "Я нікому ніякай падтрымкі не абяцаю", - падкрэсліў Аляксандр Лукашэнка. "Разлічваць на падтрымку – гэта выключэнне. Дзесьці, можа, і падставім плячо, але разлічваць трэба на сябе", - дадаў беларускі лідар. Аляксандр Лукашэнка таксама адзначыў, што ў цяперашняй пяцігодцы стаўка будзе рабіцца, перш за ўсё, на выкарыстанне мясцовых рэсурсаў і ў тым ліку, аднаўляльных крыніц энергіі. -0-

БЕЛТА