21 лістапада, Ліозна /Дзіяна Курыло - БЕЛТА/. Старшыня Камітэта дзяржаўнага кантролю Аляксандр Якабсон упэўнены ў неабходнасці барацьбы з дармаедствам. Аб гэтым ён сказаў сёння, адказваючы на званок, які паступіў у ходзе прамой тэлефоннай лініі з жыхарамі Лёзненскага раёна, перадае карэспандэнт БЕЛТА. Праблема барацьбы з п'янствам і дармаедствам востра была пастаўлена на нядаўнім нарадзе ў Прэзідэнта з супрацоўнікамі органаў унутраных спраў, нагадаў кіраўнік кантрольнага ведамства. Аляксандр Якабсон упэўнены, што з гэтай бядой трэба змагацца на заканадаўчым узроўні. "Зразумела, аднаўляць практыку пакарання тых, хто не жадае працаваць, якая існавала ў савецкія часы, ніхто не збіраецца, але стаўленне да такіх людзей неабходна ўжосточаць", - лічыць старшыня КДК. На яго думку, неабходна прымяняць і больш сур'ёзныя санкцыі да асоб, абавязаных дзяржаве пакрываць расходы на выхаванне і ўтрыманне дзяцей. На выкананне даручэння Прэзідэнта Беларусі міжведамасная рабочая група ў складзе прадстаўнікоў Камітэта дзяржаўнага кантролю, Міністэрства жыллёва-камунальнай гаспадаркі, Міністэрства архітэктуры і будаўніцтва, Міністэрства па надзвычайных сітуацыях у лістападзе праводзіць другі этап маніторынгу стану работы дзяржаўных органаў і арганізацый Віцебскай вобласці па вырашэнні найбольш вострых праблем, якія хвалююць насельніцтва. Спецыялісты міжведамаснай групы правядуць у Лёзненскім, Ушацкім і Аршанскім раёнах выязныя прыёмныя, прамыя тэлефонныя лініі і сустрэчы ў працоўных калектывах. Спектр пытанняў і тэм, якія цікавяць міжведамасную рабочую групу, разнастайны: ад пытанняў выкарыстання бюджэтных сродкаў, фінансава-гаспадарчай дзейнасці прамысловых, аграрных, будаўнічых, жыллёва-камунальных прадпрыемстваў, арганізацый сацыяльнай сферы да работы чыноўнікаў з грамадзянамі. -0-

БЕЛТА