У Мінску ўшанавалі лаўрэатаў Міжнароднай бізнес-прэміі «Лідар года – 2025». Узнагароды ўручылі ў 38 намінацыях, сярод адзначаных – прадстаўнікі паўночнага рэгіёну.
Лаўрэатамі і ўладальнікамі Гран-пры сталі ААТ «Віцязь», «Інвет», «Полацкбыт», ТАА «КімаБел», ДП «Аршацепласеткі», філіял «Полацкводаканал» УП «Віцебскаблвадаканал». У ліку лепшых арганізацый апынуўся і прадстаўнік сістэмы адукацыі – Відзаўскі дзяржаўны каледж.
Гран-пры ў намінацыі «Персона» ўдастоены дырэктар ДП «Аршацепласеткі» Пётр Гішкелюк.
Прэмія праводзіцца штогод. Лепшых намінантаў адзначаюць за якасць прадукцыі, інавацыі, эфектыўнасць кіравання, распрацоўкі сацыяльных праектаў, значны ўклад у развіццё краіны. «Лідар года» спрыяе папулярызацыі дасягненняў прадпрыемстваў, павышэнню іх канкурэнтаздольнасці і ўмацаванню міжнародных эканамічных сувязяў.
Прэмія «Лідар года – 2025» прайшла пры падтрымцы Дзяржаўнага камітэта па навуцы і тэхналогіях і Міністэрства сельскай гаспадаркі і харчавання Рэспублікі Беларусь, гандлёвага прадстаўніцтва Расійскай Федэрацыі ў Рэспубліцы Беларусь і іншых.