Прэзідэнт Беларусі прызначыў стыпендыі таленавітым маладым вучоным на 2016 год. Адпаведнае распараджэнне №211рп Аляксандр Лукашэнка падпісаў 21 снежня, паведамілі БЕЛТА ў прэс-службе кіраўніка дзяржавы.
Прэзідэнт Беларусі прызначыў стыпендыі таленавітым маладым вучоным на 2016 год. Адпаведнае распараджэнне №211рп Аляксандр Лукашэнка падпісаў 21 снежня, паведамілі БЕЛТА ў прэс-службе кіраўніка дзяржавы.
У прыватнасці, стыпендыі прызначаны 92 маладым вучоным, у тым ліку 5 доктарам навук ва ўзросце да 45 гадоў, 52 кандыдатам навук ва ўзросце да 35 гадоў і 35 маладым вучоным без ступені ва ўзросце да 30 гадоў. Сярод іх прадстаўнікі фізіка-матэматычных, тэхнічных, хімічных, біялагічных, медыцынскіх, аграрных, эканамічных, юрыдычных, геалага-мінералагічных, сацыяльных і гуманітарных навук.
Стыпендыяты атрымалі істотныя вынікі па прыярытэтных напрамках фундаментальных і прыкладных даследаванняў, якія маюць навуковае і практычнае значэнне. Іх навуковыя дасягненні выкарыстоўваюцца ў дзейнасці прамысловых прадпрыемстваў, арганізацый розных галін эканомікі і ўстаноў сацыяльнай сферы Беларусі. Навізна многіх распрацовак пацверджана патэнтамі на вынаходствы і публікацыямі ў вядучых айчынных і замежных навуковых часопісах.
Прыняцце распараджэння з'яўляецца сведчаннем падтрымкі дзяржавай таленавітых маладых вучоных і развіцця навуковага патэнцыялу Беларусі, адзначылі ў прэс-службе.