Кіраўнік дзяржавы Аляксандр Лукашэнка павіншаваў суайчыннікаў з Днём Канстытуцыі Рэспублікі Беларусь, паведамілі БЕЛТА ў прэс-службе беларускага лідара.
Кіраўнік дзяржавы Аляксандр Лукашэнка павіншаваў суайчыннікаў з Днём Канстытуцыі Рэспублікі Беларусь, паведамілі БЕЛТА ў прэс-службе беларускага лідара.
"Павага да сваіх сімвалаў дзяржаўнасці - гэта найважнейшы паказчык патрыятызму, грамадзянскасці і палітычнай культуры народа. Менавіта Асноўны Закон служыць галоўнай прававой апорай нашай незалежнай і суверэннай краіны, гарантам правоў і свабод грамадзян, залогам паспяховай рэалізацыі стратэгіі далейшага развіцця Беларусі", - гаворыцца ў віншаванні.
Кіраўнік дзяржавы адзначыў, што паслядоўнае ажыццяўленне канстытуцыйных палажэнняў забяспечыла згуртаванне беларускага народа і гарманізацыю грамадства, сацыяльна-палітычную стабільнасць і функцыянаванне надзейных інстытутаў публічнай улады.
"Безумоўна, наша агульная мэта - увасабляць на практыцы закладзеныя ў вышэйшым Законе каштоўнасці, умацоўваць нацыянальнае адзінства, беражліва захоўваць гістарычную і культурную спадчыну. Гэта асабліва важна для выхавання маладога пакалення ў духу любові да Айчыны і вернасці сваёй роднай зямлі", - падкрэсліў Прэзідэнт Беларусі.
Кіраўнік дзяржавы пажадаў усім міру, дабра, моцнага здароўя і дабрабыту.