Прэзідэнт Беларусі Аляксандр Лукашэнка і Прэзідэнт ААЭ шэйх Мухамед бен Заід аль-Нахаян падчас перамоваў у Абу-Дабі дамовіліся аб супрацоўніцтве па больш чым дзясятку напрамкаў, паведамляе БЕЛТА.
Сустрэча прэзідэнтаў Беларусі і Аб'яднаных Арабскіх Эміратаў доўжылася каля чатырох гадзін. Кіраўнік ААЭ запрасіў беларускага калегу да сябе дадому, сустрэча праходзіла ў абсалютна сяброўскай абстаноўцы. Спачатку ў пашыраным складзе, потым – адзін на адзін.
Асабліва варта адзначыць той факт, што ў сустрэчы прымалі ўдзел старэйшы і малодшы сыны Прэзідэнта Беларусі, гэта таксама сведчыць аб асаблівым характары адносін, па-сапраўднаму сяброўскім.
У цэлым падчас сустрэчы беларускі і эміратскі лідары дамовіліся аб супрацоўніцтве па больш чым дзясятку напрамкаў: у сферы гандлёва-эканамічнага і інвестыцыйнага ўзаемадзеяння. Акцэнт зроблены і на гуманітарную сферу.
Згодна з дамоўленасцямі, у бліжэйшы час у Беларусь прыбудзе вялікая дэлегацыя спецыялістаў, якія на месцы адпрацуюць канкрэтныя пытанні па пазначаных напрамках узаемадзеяння.
Крыніца: belta.by