Лепельская міжраённая інспекцыя аховы жывёльнага і расліннага свету нагадвае, пры якіх умовах забараняецца паляванне. Так, пункт 127 Правілаў вядзення паляўнічай гаспадаркі і палявання гласіць – Забараняецца паляванне:
Лепельская міжраённая інспекцыя аховы жывёльнага і расліннага свету нагадвае, пры якіх умовах забараняецца паляванне. Так, пункт 127 Правілаў вядзення паляўнічай гаспадаркі і палявання гласіць – Забараняецца паляванне:
пры адсутнасці або выкарыстанні несапраўдных дакументаў, пералічаных у пунктах 108 і (або) 109 гэтых Правілаў;
з незачыненай на месцы здабычы паляўнічай жывёлы дазволам, калі ў адпаведнасці з гэтымі Правіламі яно падлягала закрыццю;
у забароненых для палявання зонах і іншых забароненых месцах альбо ў забаронены час, калі іншае не ўстаноўлена гэтымі Правіламі;
на дзікіх жывёл, не пазначаных у паляўнічай пуцёўцы або дазволе на здабычу паляўнічай жывёлы, а таксама на маладых нелятаючых і (або) ліняючых птушак, у вясновы сезон палявання на пралётных птушак (акрамя гусей і вальдшнепаў), паляўнічых жывёл, якія знаходзяцца ў бядотным становішчы, у зоне надзвычайнай сітуацыі;
з перавышэннем устаноўленай у паляўнічай пуцёўцы колькасці дазволеных для вымання паляўнічых жывёл;
з прымяненнем забароненых прылад і спосабаў палявання, у тым ліку з выкарыстаннем выбуховых рэчываў, выкопваннем або выкурваннем звяроў з нор, акрамя выпадкаў, прадугледжаных гэтымі Правіламі, а таксама з выкарыстаннем хімічных прэпаратаў (за выключэннем пахучых прынадаў);
з выкарыстаннем незарэгістраваных паляўнічых сабак і лаўчых птушак, а таксама сабак іншых парод і бязродных;
з парушэннем правілаў бяспекі палявання;
з парушэннем умоў вядзення паляўнічай гаспадаркі і палявання, устаноўленых для дадзенай паляўніча-гаспадарчай зоны або іншай адзінкі унутрыгаспадарчага дзялення тэрыторыі;
у пагранічнай паласе;
на дзікіх жывёл, якія адносяцца да відаў, уключаных у Чырвоную кнігу Рэспублікі Беларусь, а таксама дзікіх жывёл, якія не з'яўляюцца паляўнічымі, за выключэннем выпадкаў, прадугледжаных заканадаўчымі актамі.