23 жніўня, Мінск /Кар. БЕЛТА/. Сёння ў Мінскім гарадскім судзе прайшлі спрэчкі па справе былога намесніка старшыні Віцебскага аблвыканкама Леаніда Кавалёва і грамадзяніна Гунара Коола, паведамілі карэспандэнту БЕЛТА ў пракуратуры Мінска. Як растлумачылі ў сталічнай пракуратуры, вынясенне прыгавору плануецца ў гэтым месяцы. Таксама ў пракуратуры Мінска паведамілі, што дзяржабвінаваўца папрасіў суд прызначыць абвінавачанаму Кавалёву пакаранне ў выглядзе сямі гадоў пазбаўлення волі ў папраўчай калоніі ва ўмовах узмоцненага рэжыму з канфіскацыяй маёмасці і пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, тэрмінам на пяць гадоў. Гэты падсудны быў абвінавачаны па ч.3 арт.430 (атрыманне хабару ў асабліва буйным памеры) КК Беларусі. Падзельнік – грамадзянін Эстоніі Гунар Коол – быў абвінавачаны па ч.6 арт.16 (саўдзел у злачынстве) і ч.3 арт.430 КК. Дзяржабвінаваўца папрасіў прызначыць гэтаму падсуднаму, які зараз знаходзіцца пад хатнім арыштам і прысутнічаў на сённяшнім пасяджэнні, пяць гадоў пазбаўлення волі ў папраўчай калоніі ўзмоцненага рэжыму з канфіскацыяй маёмасці, з пазбаўленнем права займаць пэўныя пасады на тры гады.-0-

БЕЛТА