13 ліпеня, Мінск /Кар. БЕЛТА/. Каля 40 прадпрыемстваў прадставяць сваю прадукцыю і паслугі на ўніверсальнай выстаўцы-кірмашы "Славянскі калейдаскоп 2012", якая адкрыецца 14 ліпеня падчас XXI Міжнароднага фестывалю мастацтваў "Славянскі базар у Віцебску". Пра гэта карэспандэнту БЕЛТА паведаміла намеснік начальніка аддзела знешнеэканамічнай дзейнасці Віцебскага аддзялення БелГПП Ала Адаменка. Удзельнікі, сярод якіх і госці з Расіі (Смаленск), прадставяць наведвальнікам усё разнастайнасць сваёй прадукцыі - адзенне, абутак, галантарэю, парфумерыю, прадукты харчавання, посуд, падарункі, сувеніры, мэблю, тканіны і многае іншае. Таксама тут будуць прадстаўлены паслугі, у прыватнасці медыцынскія, турыстычныя, рэкламныя і інш. Як расказала Ала Адаменка, упершыню "Славянскі калейдаскоп" пройдзе ў самым цэнтры фестывальнага жыцця, непасрэдна каля Летняга амфітэатра, у сценах унікальнага па сваёй архітэктуры гандлёва-забаўляльнага цэнтра "Марка-Сіці". Праграма выстаўкі даволі разнастайная - нароўні з дзелавымі мерапрыемствамі, дэгустацыямі і прэзентацыямі запланавана мноства забаў. Так, 15 ліпеня гасцей і наведвальнікаў выстаўкі-кірмашу чакае Baby Fest (дзіцячы дзень) з бяспройгрышнымі латарэямі, конкурсам і выстаўкай дзіцячых малюнкаў, вялікай забаўляльнай праграмай з удзелам лепшых вакальных і харэаграфічных калектываў. 16 ліпеня ў праграме Beauty Bazar, або Дзень прыгажосці і моды. У гэты дзень можна будзе прыняць удзел у майстар-класах вядучых спецыялістаў па стварэнні летняга вобраза, хуткіх летніх прычосак або араматычнага маркетынгу, а таксама атрымаць кансультацыі аднаго з лепшых дызайнераў Беларусі і Расіі, лаўрэата многіх міжнародных прэмій, пастаяннай удзельніцы Тыдняў Моды ў Беларусі (Belarusian Fashion Week) і Расіі (Volvo Fashion Week) Людмілы Тараканавай. Выстаўка вясельных фотаздымкаў, майстар-класы і семінары вясельнай тэматыкі пройдуць 17 ліпеня. У гэты ж дзень адбудзецца конкурс нявест The Best. Выстаўка-кірмаш завершыць працу 18 ліпеня.-0-

БЕЛТА