Гісторыка-мастацкі праект "Сем таямніц Беларусі" прэтэндуе на статус візітнай карткі краіны. Такое меркаванне выказаў журналістам генеральны дырэктар Рэспубліканскага Палаца культуры прафсаюзаў Аляксандр Косоўскі, перадае карэспандэнт БЕЛТА.
Гісторыка-мастацкі праект "Сем таямніц Беларусі" прэтэндуе на статус візітнай карткі краіны. Такое меркаванне выказаў журналістам генеральны дырэктар Рэспубліканскага Палаца культуры прафсаюзаў Аляксандр Косоўскі, перадае карэспандэнт БЕЛТА.
Па словах Аляксандра Косоўскага, асаблівасць праекта заключаецца ў тым, што на працягу 50 хвілін гледачы могуць акунуцца ў гісторыю, культуру, традыцыі Беларусі. "Аўтары пастараліся паказаць, чым славіцца наша краіна, а менавіта: традыцыі, культуру, гісторыю, абрады і, вядома ж, нашых людзей. Праект стартуе ў Палацы культуры прафсаюзаў у цэнтры сталіцы, і спадзяёмся, што ён стане візітнай карткай краіны", - сказаў генеральны дырэктар.
Гледачы змогуць пабываць у розных эпохах. Напрыклад, з часоў Вялікага Княства Літоўскага яны перанясуцца ў нашы дні і наведаюць "Славянскі базар" у Віцебску, які сёння акумулюе традыцыі і народную творчасць беларусаў. "Сем таямніц Беларусі" - гэта ўнікальная ў сваім родзе пастаноўка, якая неверагодным чынам спалучае ў сабе адзінства традыцый многіх пакаленняў беларусаў з тэхналагічнасцю сучаснасці.
Прэм'еру "Сямі таямніц Беларусі" наведалі прадстаўнікі дзяржаўных структур, дыпламатычных місій, прафсаюзны актыў. Плануецца, што сумесны гісторыка-мастацкі праект Рэспубліканскага Палаца культуры прафсаюзаў і Беларускага дзяржаўнага ўніверсітэта культуры і мастацтваў будзе радаваць мінчан і гасцей сталіцы на працягу многіх гадоў. Як чакаюць арганізатары, гэты праект, падобныя якому існуюць у многіх іншых краінах свету, атрымае доўгае жыццё і пастаянную прапіску ў Палацы культуры прафсаюзаў. Паказы будуць праходзіць па нядзелях, панядзелках, аўторках.
Як адзначыў, размаўляючы з журналістамі, намеснік дырэктара дэпартамента гуманітарнага супрацоўніцтва агульнапалітычных і сацыяльных праблем Выканаўчага камітэта СНД Размік Хумаран, праекты, падобныя мастацка-гістарычнаму "Сем таямніц Беларусі", знаёмяць замежных гасцей з гісторыяй і культурай краіны.