У перыяд з 5 па 14 студзеня на тэрыторыі Рэспублікі Беларусь супрацоўнікі Дзяржаўтаінспекцыі праводзяць прафілактычнае мерапрыемства «Беражыце дзяцей!». Мэта дадзенай акцыі – прафілактыка і папярэджанне дарожна-транспартных здарэнняў з удзелам юных удзельнікаў дарожнага руху.
У перыяд з 5 па 14 студзеня на тэрыторыі Рэспублікі Беларусь супрацоўнікі Дзяржаўтаінспекцыі праводзяць прафілактычнае мерапрыемства «Беражыце дзяцей!». Мэта дадзенай акцыі – прафілактыка і папярэджанне дарожна-транспартных здарэнняў з удзелам юных удзельнікаў дарожнага руху.
Па выніках 2023 года ў Рэспубліцы Беларусь, нягледзячы на зніжэнне колькасці загінулых у дарожна-транспартных здарэннях непаўналетніх (-12,5%; з 16 да 14), узрасла колькасць параненых (+10,8%; з 397 да 440) у ДТЗ дзяцей.
У разрэзе катэгорый часцей за іншых удзельнікамі ДТЗ станавіліся дзеці-пасажыры (36,1% ад агульнай колькасці пацярпелых у ДТЗ дзяцей). Кожнае трэцяе дзіця (34,3%) было пешаходам, кожнае чацвёртае – веласіпедыстам (25,8%). Па віне кіроўцаў траўмы ў ДТЗ атрымалі 73,4% непаўналетніх.
Дзяржаўтаінспекцыя звяртаецца да бацькоў: знайдзіце час і паўтарыце з дзіцем асноўныя правілы бяспечных паводзін на вуліцы, паўтарыце з юнымі пешаходамі і веласіпедыстамі Правілы дарожнага руху, і не забывайце кантраляваць вольны час падлеткаў, памятайце пра асабісты прыклад. Акрамя гэтага, бацькі павінны памятаць пра бяспечную перавозку дзяцей у аўтамабілях. Дзеці да 12 гадоў павінны перавозіцца з выкарыстаннем дзіцячых утрымліваючых прыстасаванняў. Усе, хто сядзіць у аўтамабілі, павінны быць прышпілены.
Важна адзначыць яшчэ адзін момант, асабліва кіроўцам, бо ўсё ж такі пераважная большасць ДТЗ з удзелам дзяцей адбываецца па віне дарослых. Каб пазбегнуць трагедыі, кіроўцы павінны быць надзвычай уважлівыя пры здзяйсненні манеўраў на ўнутрыдваравых тэрыторыях, пры праездзе пешаходных пераходаў. Памятайце, што дзеці вельмі рухомыя і імпульсіўныя, многія яшчэ не ўмеюць прадбачыць небяспеку і правільна ацэньваць дарожную сітуацыю. Так што, убачыўшы дзяцей каля праезнай часткі, зніжайце хуткасць і будзьце гатовыя ў любы момант спыніцца.
Дзяржаўтаінспекцыя нагадвае, што менавіта бацькі нясуць адказнасць за сваіх дзяцей, а таксама заклікае дарослых заўсёды выконваць правілы дарожнага руху, каб быць верным прыкладам для падрастаючага пакалення.