Рэспубліканская прафілактычная акцыя "Бяспечны пераход" пройдзе 26-30 чэрвеня ў Беларусі, паведамілі БЕЛТА ва ўпраўленні Дзяржаўтаінспекцыі МУС.
Рэспубліканская прафілактычная акцыя "Бяспечны пераход" пройдзе 26-30 чэрвеня ў Беларусі, паведамілі БЕЛТА ва ўпраўленні Дзяржаўтаінспекцыі МУС.
Акцыя праводзіцца для своечасовага папярэджання і прафілактыкі ДТЗ з удзелам пешаходаў. Супрацоўнікі ДАІ ў гэты час будуць узмоцнена кантраляваць выкананне кіроўцамі правілаў праезду пешаходных пераходаў і выкананне пешаходамі правілаў бяспечнага перасячэння праезнай часткі. Нарады дарожна-патрульнай службы адпрацуюць месцы канцэнтрацыі "пешаходных" ДТЗ, участкі аўтамабільных дарог і вуліц населеных пунктаў, найбольш схільныя рызыцы здзяйснення наездаў на пешаходаў.
Акрамя таго, усе аварыйна небяспечныя ўчасткі дарог і вуліц будуць абследаваны на наяўнасць асветленасці і неабходных тэхнічных сродкаў для арганізацыі бяспечнага руху пешаходаў.
Запланавана правядзенне шырокай тлумачальнай працы і прафілактычных мерапрыемстваў. У працоўных калектывах і дзіцячай аўдыторыі супрацоўнікі ДАІ чарговы раз растлумачаць прычыны і наступствы ДТЗ, якія здзяйсняюцца на пешаходных пераходах, нагадаюць правілы бяспечных паводзін пры пераходзе праезнай часткі і праездзе пешаходных пераходаў.
За студзень-май 2017 года, нягледзячы на памяншэнне колькасці ДТЗ і пацярпелых у іх людзей, адзначаецца рост колькасці загінулых у ДТЗ у цэлым па рэспубліцы. Асноўнай прычынай ДТЗ, здзейсненых па віне кіроўцаў транспартных сродкаў, з'яўляецца парушэнне правілаў праезду пешаходных пераходаў. Практычна палова непаўналетніх, якія сталі ўдзельнікамі ДТЗ у якасці пешаходаў, атрымалі траўмы на пазначаных пешаходных пераходах.