З 16 па 23 красавіка супрацоўнікі ДАІ Віцебскай вобласці правядуць прафілактычныя мерапрыемствы па папярэджанні і спыненні парушэнняў ПДР веласіпедыстамі і кіроўцамі мотатранспарту.

З 16 па 23 красавіка супрацоўнікі ДАІ Віцебскай вобласці правядуць прафілактычныя мерапрыемствы па папярэджанні і спыненні парушэнняў ПДР веласіпедыстамі і кіроўцамі мотатранспарта.

З пачатку 2020 года на тэрыторыі нашай вобласці зарэгістравана 1 ДТЗ, здзейсненае па віне кіроўцы двухколавага транспартнага сродку. Адбылося яно 6 сакавіка ў вёсцы Гурец Чашніцкага раёна. 31-гадовы кіроўца, знаходзячыся за рулём матацыкла «ММВЗ», на закругленні дарогі не справіўся з кіраваннем, з-за чаго здзейсніў наезд на апору лініі электраперадач. Варта адзначыць, што малады чалавек у момант аварыі знаходзіўся ў нецвярозым стане і не меў права кіравання транспартнымі сродкамі ў прынцыпе. Матацыкліст атрымаў цялесныя пашкоджанні і быў шпіталізаваны.

Згодна з ПДР, ровар – гэта транспартны сродак, які прыводзіцца ў рух мускульнай сілай чалавека. А асоба, якая ім кіруе – кіроўца. Як і ўсім астатнім удзельнікам дарожнага руху, веласіпедысты абавязаны выконваць устаноўленыя для іх Правілы дарожнага руху. А менавіта:

- да 14 гадоў можна ездзіць толькі па тратуарах, абочынах, веласіпедных або пешаходных дарожках, не ствараючы перашкод для бяспечнага руху пешаходаў;

- з 14 гадоў дапускаецца рух веласіпедыстаў па праезнай частцы дарогі ў адзін шэраг не далей за 1 метра ад яе правага краю. Выключэннем з'яўляюцца аб'езд перашкоды і выпадкі павароту налева або развароту;

- пры руху па дарозе ў цёмны час сутак або ва ўмовах недастатковай бачнасці, на веласіпедзе павінны быць уключаны: спераду фара (ліхтар), якая выпраменьвае белае святло, ззаду – ліхтар, які выпраменьвае чырвонае святло;

- пры перасячэнні праезнай часткі дарогі па пешаходным пераходзе веласіпедыст павінен весці ровар побач з сабой;

- па-за скрыжаваннямі на нерэгулюемым скрыжаванні веласіпеднай дарожкі з дарогай, веласіпедыст абавязаны саступіць дарогу транспартным сродкам, якія рухаюцца па гэтай дарозе;

Паважаныя веласіпедысты! Кіруючы роварам, можна не толькі ўмацаваць сваё здароўе, але і захаваць яго. Для гэтага неабходна ведаць і выконваць Правілы дарожнага руху.