Прафілактыка крадзяжу маёмасці

Сярод найбольш распаўсюджаных крадзяжоў маёмасці адзначаюцца кішэнныя крадзяжы, крадзяжы з жылля, крадзяжы з аўтатранспарту, а таксама крадзяжы рэчаў, якія пакінулі без нагляду.
Большасць крадзяжоў здзяйсняецца на вуліцы і рынках, а таксама ў грамадскім транспарце. У асноўным прадметам злачыннага замаху з'яўляюцца мабільныя тэлефоны і кашалькі з грашовымі сродкамі.
Крадзяжы ажыццяўляюцца шляхам узлому дзвярэй, падбору ключа, праз пакінутыя незачыненымі вокны, форткі і балконныя дзверы. Кожная другая кватэрная крадзяжа здзяйсняецца з-за неасцярожнасці саміх пацярпелых, калі злачынцамі з'яўляюцца асобы, запрошаныя гаспадарамі ў госці, у тым ліку для сумеснай выпіўкі спіртных напояў. Больш за палову кватэрных крадзяжоў здзейснена шляхам свабоднага доступу. Неасцярожна пакідаючы адчыненымі ўваходныя дзверы і знаходзячыся пры гэтым дома, гаспадары даюць магчымасць зламыснікам бесперашкодна пранікаць у свае жыллё і здзяйсняць крадзяжы.
Распаўсюджаным відам крадзяжоў маёмасці з'яўляюцца крадзяжы з аўтатранспарту. Большасць такіх крадзяжоў здзяйсняецца з аўтамашын, якія не абаронены маркіроўкай і ахоўнай сігналізацыяй, і ажыццяўляюцца шляхам разбіцця шкла або пракручвання замка. Найбольш частымі прадметамі злачыннага замаху з'яўляюцца аўтамагнітолы, навігатары, відэарэгістратары, люстэркі. Не варта забываць і пра рэчы, пакінутыя ў машыне аўтаўладальнікамі без нагляду, якія відавочна прыцягваюць да сябе ўвагу (сумкі, пакеты, мабільныя тэлефоны, дакументы, кашалькі, рознага роду бытавая і камп'ютэрная тэхніка).
Таксама праваахоўнікі звяртаюць увагу грамадзян на тое, што крадзяжы пакінутых без нагляду рэчаў – адно з найбольш часта здзяйсняемых злачынстваў.
- Здзяйсненню такога роду злачынстваў спрыяе і тое, што пацярпелыя самі пакідаюць без нагляду сваю маёмасць, якая становіцца лёгкай здабычай злачынцаў.
З мэтай папярэджання крадзяжоў маёмасці, важна памятаць некалькі правіл, якія змогуць дапамагчы забяспечыць захаванасць маёмасці:
- у транспарце і грамадскіх месцах асабістыя рэчы трымайце ў цяжкадаступных месцах;
- ручную паклажу пастаянна трымайце ў полі зроку, сачыце, каб кішэні былі зашпілены;
- сыходзячы з дома, не пакідайце адкрытымі вокны, не забывайце зачыняць дзверы;
- усталюйце дзверы з замкамі рознай сістэмы і розных вытворцаў, забяспечце іх вочкамі і ланцужкамі;
- не ўпускайце ў кватэру, дом незнаёмых людзей, а таксама папярэдзьце аб гэтым дзяцей, якія застаюцца без вашага нагляду;
- імкніцеся наладзіць добрыя адносіны з суседзямі (узаемнае назіранне за кватэрамі адзін аднаго дапаможа забяспечыць бяспеку вашага жылля);
- абсталюйце свае кватэры ахоўнай сігналізацыяй.
- не забывайце і не пакідайце без нагляду свае асабістыя рэчы;
- пры карыстанні грамадскім транспартам старайцеся не забывацца (напрыклад, не чытаць падчас руху, не заглядвацца ў акно;
У мэтах забеспячэння бяспекі грамадзян, папярэджання і прафілактыкі крадзяжоў з аб'ектаў і кватэр, а таксама іншых злачынстваў у жылым сектары міліцыя рэкамендуе скарыстацца паслугамі падраздзяленняў Дэпартамента аховы. Ваша кватэра, дом або любое нежылое памяшканне будзе ўзята пад ахову з вывадам сігналізацыі на пульт цэнтральнай аховы.
Таксама нагадваем аб тым, што ў адпаведнасці з дзеючым заканадаўствам, калі рэч знойдзена ў памяшканні або транспарце, яна падлягае здачы асобе, якая прадстаўляе ўладальніка гэтага памяшкання або сродкі транспарту. У выпадках, калі асоба, якая мае права патрабаваць вяртання знойдзенай рэчы, або месца яе знаходжання невядомыя, знайшоўшы абавязаны паведаміць аб знаходцы ў АУС або орган мясцовага кіравання і самакіравання.
Калі ў дачыненні да Вас здзейснена злачынства або Вы сталі яго відавочцам, просім неадкладна паведаміць у АУС Лепельскага райвыканкама па тэлефоне 102.

ААПП АУС Лепельскага
райвыканкама