Вясенні і летні час традыцыйна характарызуецца ростам колькасці крадзяжоў веласіпедаў. Асноўнай прычынай здзяйснення дадзенага віду злачынства ў большасці выпадкаў з'яўляецца ўласная неасцярожнасць грамадзян.
Зараз на вуліцах можна сустрэць вялікую разнастайнасць веласіпедаў: ад самых сціплых да шматхуткасных спартыўных прыгажуноў. Сваіх «жалезных коней» веласіпедысты пакідаюць ля крам, пад'ездаў дамоў, гандлёвых павільёнаў, на ноч – на лесвічных пляцоўках шматкватэрных дамоў. Вядома, гэта не пакідае абыякавымі зламыснікаў і падштурхоўвае іх на здзяйсненне крадзяжу. Толькі ў гэтым 2017 годзе на тэрыторыі г. Лепель ужо 2 уладальнікі пазбавіліся свайго двухколавага транспарту (2016 – 1).
9.01.2017 неўстаноўленая асоба з пад'езда дома № 82 А па вул. Калініна ў г. Лепель выкрала дарожны ровар.
Здарэнні такія не адзінкавыя. Шматлікія гарадскія ўладальнікі ровараў пасля вулічных паездак не прыкладаюць намаганняў для транспарціроўкі "жалезнага каня" ў кватэру ці на балкон, лічачы, што могуць захоўваць ровары ў пад'ездах жылых дамоў, а пакідаюць іх на лесвічных пляцоўках каля сваіх кватэр.
Неабходна звярнуць увагу такіх грамадзян на тое, што яны тым самым парушаюць правілы пажарнай бяспекі. На шляхах эвакуацыі, да якіх адносяцца памяшканні агульнага карыстання жылых шматкватэрных дамоў, забаронена захоўванне і размяшчэнне мэблі, маёмасці, асабістых рэчаў. Роварам месца ў гаражы, хляве, альбо ўнутры кватэры.
Каб абараніць свой ровар ад злодзеяў, перш за ўсё гаспадар павінен клапаціцца пра бяспеку свайго транспартнага сродку. Цяпер існуе мноства нескладаных і недарагіх спосабаў усталяваць супрацьугонныя прылады і захаваць свайго двухколавага сябра. Ровар ад крадзяжу можа засцерагчы не толькі спецыяльны трос з замыкаючай прыладай, але і просты металічны ланцуг, закрыты за звяны звычайным навясным замком і прымацаваны да любога нерухомага прадмета: дрэва, слупа, да парэнча на лесвічнай пляцоўцы. Такія простыя прыстасаванні здольныя ўберагчы ад страты любімага сродку перамяшчэння, а разам з тым – матэрыяльнай шкоды! Давядзіце да аўтаматызму абавязковы рытуал прышпілення ровара (нават на нязначны час Вашай адсутнасці) да статычнага прадмета. Каб не стаць ахвярай злачынства, рэкамендуецца правесці маркіроўку асноўных вузлоў ровара. Не давярайце староннім людзям