Прафілактыка крадзяжоў з аб'ектаў аграпрамысловага комплексу

4.3.20243 праглядаў

Асноўнай прычынай крадзяжоў у сферы АПК з'яўляецца надзвычай нізкая арганізацыя аховы гэтых аб'ектаў. У шэрагу сельскагаспадарчых арганізацый ахова аб'ектаў не ажыццяўляецца. Адсутнічае належны кантроль кіраўніцтва за працай вартаўнікоў і падборам кандыдатаў на матэрыяльна – адказныя пасады.

Востра стаіць пытанне аб абсталяванні памяшканняў сельскагаспадарчых арганізацый запорнымі прыладамі, а таксама забеспячэнне аб'ектаў і прылеглай тэрыторыі дастатковым асвятленнем, што павінна выключыць свабодны доступ злачынцаў да аб'ектаў замаху.

Факты крадзяжу ТМЦ цягнуць як крымінальную, так і адміністрацыйную адказнасць, у залежнасці ад сумы прычыненай шкоды. За крымінальна каральныя дзеянні прадугледжана адказнасць у выглядзе грамадскіх работ, штрафу, выпраўленчых работ на тэрмін да двух гадоў, або арышту, або абмежавання волі на тэрмін да трох гадоў, або пазбаўлення волі на той жа тэрмін.

У перыяд правядзення пасяўной і ўборачнай, нарыхтоўчай кампаній 2023 на тэрыторыі Лепельскага раёна выяўлена 20 фактаў крадзяжу тавараматарных каштоўнасцей з аб'ектаў АПК. Вінаватыя прыцягнуты да адміністрацыйнай адказнасці па арт. 11.1 КоАП Рэспублікі Беларусь (Дробнае хішчэнне).

Нямалаважным пытаннем з'яўляецца крадзеж гаруча-змазачных матэрыялаў. Варта адзначыць, што артыкулам 13.23 КоАП Рэспублікі Беларусь (Незаконны абарот нафтавага вадкага паліва ў Рэспубліцы Беларусь), а менавіта частка 3 артыкула 13.23 КоАП Рэспублікі Беларусь прадугледжвае адміністрацыйную адказнасць за набыццё, захоўванне, выкарыстанне або рэалізацыю фізічным асобам афарбаванага нафтавага паліва, якое пастаўляецца ва ўстаноўленым парадку ў арганізацыі, што выконваюць работы, звязаныя з вытворчасцю сельскагаспадарчай прадукцыі, у выглядзе накладання штрафу ў памеры ад 10 да 50 базавых велічынь.

З мэтай папярэджання крадзяжу маёмасці ў сельскагаспадарчых арганізацыях, прафілактыкі правапарушэнняў і злачынстваў, па ўмацаванні працоўнай і транспартнай дысцыпліны, па прафілактыцы п'янства і алкагалізму, супрацоўнікамі АУС праводзяцца праверкі старажавой аховы, ажыццяўляецца маніторынг аб'ектаў АПК у вячэрні і начны час сумесна з суб'ектамі прафілактыкі.

Супрацоўнікамі міліцыі таксама праводзяцца і паўторныя праверкі гаспадарак. У шэрагу выпадкаў устанаўліваецца, што нейкія мерапрыемствы па ліквідацыі недахопаў не праводзіліся. У сувязі з чым, за непрыняцце мер па ліквідацыі недахопаў у дачыненні да службовых асоб сельгаспрадпрыемстваў ужываецца такая мера пакарання, як прыцягненне да адміністрацыйнай адказнасці па арт.25.3 КоАП Рэспублікі Беларусь, за што прадугледжана адміністрацыйная адказнасць у памеры да 10 базавых велічынь.

Мы спрабуем дастукацца да кіраўнікоў гаспадарак, адкрыць ім вочы, пераканаць у тым, што недахопы тэхнічнай умацаванасці і парушэнні працоўнай дысцыпліны прыводзяць да крадзяжу з прычыненнем значнай матэрыяльнай шкоды.

Паважаныя кіраўнікі гаспадарак, неабходна прыняць неадкладныя меры і ўсімі магчымымі спосабамі забяспечыць захаванасць маёмасці.

Аддзел аховы правапарадку і прафілактыкі АУС Лепельскага райвыканкама