31 кастрычніка, Віцебск /Сяргей Кочатаў - БЕЛТА/. Прафілакторый "Раднік" у Наваполацку прададзены сёння за Br1,305 млрд. на аўкцыёне, арганізаваным фондам "Віцебскаблмаёмасць", перадае карэспандэнт БЕЛТА. Таргі праводзіліся з прымяненнем метаду паніжэння пачатковай цаны. У склад лота ўваходзілі шасціпавярховы будынак агульнай плошчай амаль 4,5 тыс.кв.м, фантана плошчай 53 кв.м, камунікацыі, а таксама невялікая будыніна з двума артэзіянскімі свідраванымі калодзежамі. Спробы знайсці новага ўласніка рабіліся ўжо 11 разоў з 2008 года. Пачатковая цана продажу лота ўстаноўлена ў памеры звыш Br6,4 млрд., пры гэтым мінімальная цана продажу склала каля Br1,305 млрд. Цікавасць да ўласнасці праявілі два прэтэндэнты, пераможцу ўдалося набыць нерухомасць па мінімальна ўстаноўленай цане. Ім стала наваполацкае ААТ "Белсплат". Па словах прадстаўніка акцыянернага таварыства, новы ўладальнік плануе захаваць профіль маёмаснага комплексу, стварыўшы сучасны санаторый і прымножыўшы традыцыі адпачынку і аздараўлення. Магчымасць паправіць здароўе перш за ўсё атрымаюць супрацоўнікі прадпрыемства ў якасці дадатковага бонуса да сацыяльнага пакета, а таксама работнікі іншых арганізацый Наваполацка і Полацка. У перспектыве - і замежныя госці. Разам з нерухомасцю пераможца аўкцыёну набыў правы 20-гадовай арэнды двух зямельных участкаў агульнай плошчай звыш 2,2 га для ўтрымання санаторыя-прафілакторыя і артэзіянскіх свідраваных калодзежаў мінеральнай вады.-0-

БЕЛТА