Да 26 ліпеня спажыўцы могуць ацаніць прадукцыю, што прэтэндуе на Дзяржаўны знак якасці, па паказчыку эстэтычнасці
Зрабіць гэта можна анлайн у тэматычным раздзеле «Дзяржаўны знак якасці» на партале «КАЧЕСТВО.БЕЛ» – vote.gskp.by (https://vote.gskp.by/?year=2026)
Пры ацэнцы ўлічваецца інфармацыйная выразнасць, гарманічнасць, рацыянальнасць формы, дасканаласць выканання і афармлення прадукцыі і інш.
Дзяржаўны знак якасці прысвойваецца харчовым таварам, прамысловым таварам для насельніцтва, прадукцыі вытворча-тэхнічнага прызначэння, вырабленай юрыдычнымі асобамі Рэспублікі Беларусь і якая адпавядае наступным паказчыкам якасці: бяспека, экалагічнасць, інавацыйнасць, тэхналагічнасць, эстэтычнасць.
Спажыўцы ацэньваюць паказчык эстэтычнасці, пры гэтым прагаласаваць за кожны тавар-прэтэндэнт можна толькі адзін раз.
У 2026 годзе прадстаўлены заяўкі ад звыш 150 прадпрыемстваў краіны больш чым на 260 найменняў прадукцыі.