Пракуратура Лепельскага раёна ў выязным судовым пасяджэнні, якое адбылося ў АУС Лепельскага раённага выканаўчага камітэта, падтрымала дзяржаўнае абвінавачванне

Пракуратура Лепельскага раёна ў выязным судовым пасяджэнні, якое адбылося ў АУС Лепельскага раённага выканаўчага камітэта, падтрымала дзяржаўнае абвінавачванне па крымінальнай справе ў дачыненні да 60-гадовага жыхара раёна – яму інкрымінуецца пагроза забойствам, калі меліся падставы асцерагацца яе ажыццяўлення.

Устаноўлена, што раней не судзімы абвінавачваны, у стане алкагольнага ап'янэння, знаходзячыся ў доме ў свайго суседа, 15 чэрвеня 2025 года каля 18.00 гадзін, падчас учинённага ім скандалу, які раптоўна ўзнік на глебе асабістых непрыязных адносін і рэўнасці, пагражаў забойствам сваёй сужыцельніцы, падносячы нож да яе шыі і грудной клеткі.

З прычыны агрэсіўных паводзін сужыцеля і папярэдніх негатыўных адносін паміж імі, жанчына ўспрыняла пагрозу забойствам як рэальную і асцерагалася яе ажыццяўлення.

У судовым пасяджэнні абвінавачваны віну прызнаў у поўным аб'ёме.

З улікам прадстаўленых дзяржаўным абвінаваўцам доказаў суд Лепельскага раёна пастанавіў абвінаваўчы прыгавор. На падставе арт.186 Крымінальнага кодэкса Рэспублікі Беларусь абвінавачваемаму прызначана пакаранне ў выглядзе арышту на тэрмін 1 месяц.

Прыгавор суда ўступіў у законную сілу.