Пракуратура Лепельскага раёна падтрымала ў судзе дзяржаўнае абвінавачванне па крымінальнай справе ў дачыненні да 23-гадовага жыхара горада Лепеля.
Згодна з матэрыяламі справы М. у лістападзе 2024 г. з скарбонкі сваёй былой сужыцелькі таемна выкраў належачыя ёй 1000 беларускіх рублёў, 300 еўра, 100 долараў ЗША, якія апошняя збірала для набыцця дарагога мабільнага тэлефона. З мэтай схаваць учыненае ім злачынства, М. паклаў у скарбонку сувенірную прадукцыю ў выглядзе грашовых банкнот наміналам 50 і 100 еўра, 100 долараў ЗША. Сваімі дзеяннямі М. прычыніў матэрыяльную шкоду пацярпелай на агульную суму 2394 рублі 43 капейкі.
У ходзе папярэдняга і судовага следства М. сваю віну прызнаў у поўным аб'ёме. Пры гэтым паказаў, што матывам здзяйснення злачынства з'явілася карыслівасць, адсутнасць у яго пастаяннага даходу. Выкрадзенымі грашовымі сродкамі распарадзіўся на сваё меркаванне, выдаткіўшы іх на асабістыя патрэбы.
Шкоду, прычыненую злачынствам, М. у ходзе папярэдняга следства пакрыў часткова – у памеры 1700 рублёў.
З улікам прадстаўленых дзяржаўным абвінаваўцам доказаў, суд Лепельскага раёна пастанавіў абвінаваўчы прыгавор, прызнаўшы М. вінаватым у таемным выкраданні маёмасці (крадзяжы), і на падставе ч.1 арт.205 КК Рэспублікі Беларусь прызначыў яму пакаранне ў выглядзе грамадскіх работ на тэрмін 300 гадзін.
Акрамя таго, суд з М. на карысць пацярпелай С. спагнаў непакрытую ім частку матэрыяльнай шкоды ў памеры 694 рублі 43 капейкі, а таксама кампенсацыю маральнай шкоды ў памеры 200 рублёў.
Прыгавор уступіў у законную сілу.
Памочнік пракурора
Лепельскага раёна Д.В. Трацаўская