Праверкі і маніторынгі ў красавіку

Сектарам нагляду і прафілактыкі Лепельскага РАНС у красавіку праводзіўся маніторынг ДУА «Лепельскі раённы сацыяльна-педагагічны цэнтр» і праверка СУП «Пражэктар-агра».

У ходзе праведзеных наглядных мерапрыемстваў устаноўлена, што ў ДУА «Лепельскі раённы сацыяльна-педагагічны цэнтр» і СУП «Пражэктар-агра» не ў поўнай меры выконваюцца патрабаванні па забеспячэнні бяспечнай эвакуацыі пры пажары, агульныя патрабаванні па забеспячэнні пажарнай бяспекі на аб'екце.

У СУП «Пражэктар-агра» выяўлены парушэнні:

- не арганізавана наяўнасць стэндаў з інфармацыяй аб пажарнай бяспецы ў адміністрацыйным будынку, на машынным двары, на МТФ Велеўшчына, МТФ Слабада, МТФ Далікі, ф. Свядзіца.

- не забяспечана падрыхтоўка работнікаў, адказных за пажарную бяспеку суб'екта гаспадарання, на якіх ускладзены абавязкі па правядзенні супрацьпажарнага інструктажу, якія ажыццяўляюць эксплуатацыю цеплагенерыруючых апаратаў, адказных за падрыхтоўку і (або) правядзенне вогневых работ, прафесійная дзейнасць (праца па пасадзе) якіх звязана са захоўваннем, перамяшчэннем, прымяненнем гаручых газаў, лёгкаўзгаральных вадкасцей, выбуханебяспечных пылі, цвёрдых лёгкаўзгаральных рэчываў і матэрыялаў, прыцягваемых да ўборкі ўраджаю збожжавых культур, нарыхтоўцы і складаванню грубых кармоў, па праграмах пажарна-тэхнічнага мінімуму.

- не пазначаны шляхі эвакуацыі і эвакуацыйныя выхады з адміністрацыйнага будынка ўказальнымі знакамі пажарнай бяспекі, прадугледжанымі тэхнічнымі нарматыўнымі прававымі актамі.

- не забяспечаны ў поўным аб'ёме першаснымі сродкамі пажаратушэння будынкі і памяшканні МТФ Далікі, МТФ Слабада і МТФ Велеўшчына, ф. Свядзіца, будынак дыспетчарскай, будынкі машыннага двара, у адпаведнасці з дадаткам да інструкцыі аб нормах аснашчэння аб'ектаў першаснымі сродкамі пажаратушэння, зацверджанай пастановай МНС №82 (п. 53 АТПБ);

- дзверы эвакуацыйнага выхаду на першым паверсе адміністрацыйнага будынка не абсталяваны замком, які забяспечвае магчымасць яго вольнага адкрывання знутры без ключа (п.48 АТПБ);

- дзверы лесвічнай клеткі на другім паверсе адміністрацыйнага будынка не абсталяваны прыладай для самазачынення (п.49 АТПБ).

УВАА «Лепельскі раённы сацыяльна-педагагічны цэнтр» выяўлены парушэнні:

- замок на дзвярах, размешчаных на шляху эвакуацыі, (дзверы, якія падзяляюць калідоры) не забяспечвае магчымасць яго свабоднага адкрывання знутры без ключа.

- на шляхах эвакуацыі (каля эвакуацыйнага выхаду) дапускаецца наяўнасць перападу вышынь падлогі без наяўнасці 3-х прыступак альбо пандуса з ухілам не больш за 1:6.

- план эвакуацыі людзей пры пажары не адпавядае патрабаванням.

- не забяспечана эксплуатацыя электрычных свяцілень, устаноўленых у складскім памяшканні ў адпаведнасці з эксплуатацыйнай дакументацыяй на іх (адсутнічае ахоўны каўпак, плафон).

- адсутнічае 10% ад колькасці змантаваных запас пажарных апавяшчальнікаў на аб'екце.

З работнікамі праведзена адпрацоўка плана эвакуацыі на выпадак узнікнення пажару або іншай надзвычайнай сітуацыі, а таксама інструктажы па выкананні правілаў пажарнай бяспекі. Пры правядзенні маніторынгу праведзены выступленні ў працоўных калектывах. Праінструктавана 36 чалавек.

У ходзе праведзеных наглядных мерапрыемстваў у будынках, дзе маецца сістэма пажарнай сігналізацыі сумесна з прадстаўнікамі УП «Полацкае прадпрыемства супрацьпажарных работ» РГАА «БДПА» была праведзена праверка на прадмет спраўнасці і працаздольнасці сістэмы. У ходзе праведзенай працы парушэнняў не выяўлена.

МНС нагадвае, што ў адпаведнасці з арт. 20 Закона РБ «Аб пажарнай бяспецы» кіраўнікі арганізацый павінны забяспечваць пажарную бяспеку і супрацьпажарны рэжым у адпаведных арганізацыях.