У маі 2015 года інспекцыяй дзяржаўнага пажарнага нагляду Лепельскага РАНС у адпаведнасці з «Каардынацыйным планам кантрольнай (нагляднай) дзейнасці на 1-е паўгоддзе 2015 года ў Віцебскай вобласці» завершаны планавыя праверкі КУПСХП «Баброва», ААТ «Ладосна» і ДУА «Сацыяльна-педагагічны цэнтр Лепельскага раёна».
Стан пажарнай бяспекі ў ААТ «Ладосна» выклікае трывогу. У парушэнне патрабаванняў артыкулаў 14 і 17 Закона Рэспублікі Беларусь ад 15 чэрвеня 1993 г. «Аб пажарнай бяспецы» кіраўніком арганізацыі не забяспечваецца пажарная бяспека і супрацьпажарны рэжым. У палажэннях аб структурных падраздзяленнях прадпрыемства, а таксама ў службовых інструкцыях іх кіраўнікоў, абавязкі па забеспячэнні пажарнай бяспекі не прадугледжаны. У планах эканамічнага і сацыяльнага развіцця прадпрыемства арганізацыйныя і інжынерна-тэхнічныя мерапрыемствы па пажарнай бяспецы не прадугледжаны. Аналіз неабходных сродкаў на выкананне мерапрыемстваў па забеспячэнні пажарнай бяспекі не праводзіўся, крыніцы фінансавання не вызначаліся. Дзейнасць створаных у арганізацыі пазаштатных пажарных фарміраванняў (ДПД і ПТК) носіць фармальны характар і не аказвае ўплыву на стан пажарнай бяспекі. У ходзе праверкі дакументы, якія пацвярджаюць працу ППФ, не прадстаўлены. Навучанне работнікаў правілам пажарнай бяспекі не арганізавана. Не ў поўнай меры праводзіцца работа па прадухіленні ўтварэння ў гаручым асяроддзі крыніц запальвання (не ўсе будынкі абсталяваны маланкааховай абаронай, выяўлены факты эксплуатацыі электраабсталявання з парушэннямі норм і правіл). Не адпавядае сістэма супрацьпажарнай абароны патрабаванням норм і правіл (адсутнічаюць сістэмы АПС, апавяшчэння, першасныя сродкі пажаратушэння не ў поўным аб'ёме). Дзейнасць адміністрацыі па забеспячэнні пажарнай бяспекі будынкаў і збудаванняў не адпавядае патрабаванням (адсутнічаюць інструкцыі: аб парадку абыходжання з пажаранебяспечнымі рэчывамі і матэрыяламі (склады з ГЗМ, і г.п.), аб выкананні супрацьпажарнага рэжыму і дзеяннях людзей пры ўзнікненні пажару, не зацверджаны праграмы пажарна - тэхнічнага мінімуму і супрацьпажарнага інструктажу. Не ў поўнай меры прымаюцца меры па выкананні папярэдніх прадпісанняў органаў ДПН адсутнічаюць планы па ліквідацыі выяўленых парушэнняў.
Кіраўніцтва КУПСХП «Баброва» прымае пэўныя меры па прывядзенні падпарадкаваных будынкаў і збудаванняў у належны супрацьпажарны стан. За перыяд часу з папярэдняй праверкі праведзена пэўная праца па прывядзенні ў адпаведнасць патрабаванням норм і правілаў сістэмы прадухілення пажару, праведзена вогнеахоўная апрацоўка драўляных канструкцый гарышча на МТФ в. Матырына, адзін будынак МТК «Баброва» і будынак МТФ № 4 в. Матырына забяспечаны спраўнай маланкааховай. Лампы электрычнага асвятлення ў жывёлагадоўчых будынках на 100% забяспечаны вільгацеахоўнымі плафонамі, ва ўсіх будынках прадпрыемства заменена старая электрычная праводка. Аднак у ходзе правядзення праверкі выяўлена, што дадзеная сістэма не ў поўнай меры адпавядае патрабаванням норм і правілаў, а менавіта:
- не ў поўнай меры праводзіцца праца па прадухіленні ўтварэння ў гаручым асяроддзі крыніц запальвання (не ўсе будынкі абсталяваны маланкааховай абаронай).
Дзейнасць адміністрацыі па забеспячэнні пажарнай бяспекі будынкаў і збудаванняў не адпавядае патрабаванням (адсутнічаюць інструкцыі: аб парадку абыходжання з пажаранебяспечнымі рэчывамі і матэрыяламі (склады з ГЗМ і г.п.), аб захаванні супрацьпажарнага рэжыму і дзеяннях людзей пры ўзнікненні пажару, не зацверджаны праграмы пажарна-тэхнічнага мінімуму і супрацьпажарнага інструктажу, у сваю чаргу дзейнасць пазаштатных пажарных фарміраванняў (ДПД, ПТК) арганізавана ў адпаведнасці з патрабаваннямі кіруючых дакументаў, ПТК праводзіць праверку пажарнага стану ведамаснага жылля. Не ў поўным аб'ёме прымаюцца меры па выкананні папярэдніх прадпісанняў органаў ДПН адсутнічаюць планы па ліквідацыі выяўленых парушэнняў, загады аб прызначэнні адказных асоб за выкананне прадпісанняў).
Стан пажарнай бяспекі ў ДУА «Сацыяльна-педагагічны цэнтр Лепельскага раёна» адпавядае патрабаванням не цалкам. Кіраўніцтвам СПЦ накіраваны заяўкі ў аддзел адукацыі, спорту і турызму Лепельскага райвыканкама з мэтай аказання дапамогі па ліквідацыі парушэнняў, выяўленых пры папярэдняй праверцы органамі ДПН, аднак фінансаванне мерапрыемстваў па ліквідацыі выяўленых парушэнняў не ажыццяўляецца належным чынам. Арганізацыйна-тэхнічныя мерапрыемствы, якія праводзяцца на аб'екце, у асноўным адпавядаюць прад'яўленым патрабаванням. Сістэма супрацьпажарнай абароны знаходзіцца ў працаздольным стане.
Па выніках праверак за парушэнне патрабаванняў норм і правілаў пажарнай бяспекі адказныя асобы будуць прыцягнуты да адміністрацыйнай адказнасці.