У мэтах выяўлення, уліку і скарачэння колькасці пустуючых жылых дамоў, а таксама аўтаматызацыі працы, павышэння інфармаванасці грамадзян, забеспячэння абароны іх правоў і законных інтарэсаў створаны дзяржаўны інфармацыйны рэсурс «Адзіны рэестр пустуючых дамоў», які акумулюе ўсю інфармацыю аб пустуючых дамах.

Доступ да рэестра – адкрыты і бясплатны. Кожны ахвотны зможа не толькі знайсці і паглядзець характарыстыкі таго ці іншага дома, але і ў рэжыме анлайн убачыць яго месцазнаходжанне, стан.

У цяперашні час Адзіны рэестр пустуючых дамоў ужо змяшчае інфармацыю аб пустуючых дамах, у тым ліку ў дачыненні да якіх праводзяцца мерапрыемствы па пошуку ўласніка, якія прызнаны пустуючымі, а таксама ў дачыненні да якіх прынята рашэнне аб іх продажы і якія валодаюць іншымі прыкметамі.

Інфармацыйны рэсурс актуалізуецца на пастаяннай аснове.