Сёння праходзіць Адзіны дзень бяспекі дарожнага руху, накіраваны на прафілактыку ДТЗ, здзейсненых у стане ап'янення, пад дэвізам "Спыні бяду!"
Нетрызвое кіраванне - самае грубае парушэнне дзеючых Правілаў.Пад уплывам алкаголю ўспрыманне рэчаіснасці скажаецца, а хуткасць рэакцыі зніжаецца. Усё гэта не дазваляе кіроўцу правільна ацаніць сітуацыю на дарозе і прыводзіць да аварыі.
За кіраванне транспартам у стане ап'янення прадугледжана адказнасць у залежнасці ад канцэнтрацыі спірту ў крыві або яго пароў у выдыханым паветры:
ад 0,3 да 0,8 праміле - 100 базавых велічынь з пазбаўленнем права кіравання транспартным сродкам тэрмінам на тры гады;
звыш 0,8 праміле - 200 базавых велічынь з пазбаўленнем права кіравання тэрмінам на пяць гадоў.
Калі вам стала вядома, што за рулём знаходзіцца нецвярозы або беспраўнік - паведаміце пра гэта па тэлефоне 102 або ў чат-бот "Мы заўсёды побач!"