Такімі словамі пачынаецца старажытная жніўная песня, з якой сто-дзвесце гадоў таму жанчыны зажыналі першыя снапы. З гэтай песняй, як і іх матулі і бабулі ў свой час, сёлета старэйшыя жыхаркі аграгарадка Стаі Галіна Савельеўна Фокіна, Зінаіда Ільінічна Кулеш і Валянціна Якаўлеўна Смажэўская зажыналі першы сімвалічны сноп. Яшчэ ў песні яны прасілі Бога дапамагчы ў працы, даць добрае надвор’е, сіл і здароўя, каб паспець “зжаці поле”.
Такімі словамі пачынаецца старажытная жніўная песня, з якой сто-дзвесце гадоў таму жанчыны зажыналі першыя снапы. З гэтай песняй, як і іх матулі і бабулі ў свой час, сёлета старэйшыя жыхаркі аграгарадка Стаі Галіна Савельеўна Фокіна, Зінаіда Ільінічна Кулеш і Валянціна Якаўлеўна Смажэўская зажыналі першы сімвалічны сноп. Яшчэ ў песні яны прасілі Бога дапамагчы ў працы, даць добрае надвор’е, сіл і здароўя, каб паспець “зжаці поле”.
Раённыя зажынкі сёлета праводзіліся на полі СВФ “Заазер’е” ААТ “Лепельскі МКК”, што раскінулася перад вёскай Кальнікі. І хаця фактычна жніво пачалося ўжо, першыя машыны намалочанага збожжа прыбылі на сушыльныя комплексы, усё ж сімвалічны рытуал не правесці было нельга.
У прызначаны час на ўскрайку поля стаялі тры камбайны, побач спыніліся тры машыны, трактар МТЗ-82 з прэс-падборшчыкам для прасавання саломы, апошняй пад’ехала пажарная машына.
Галоўны аграном сельскагаспадарчага філіяла Уладзімір Судак коратка распавёў пра віды на сёлетні ўраджай.
Першы сноп быў уручаны Аляксандру Быкаву, а потым і кіраўнікам гаспадарак, якія спецыяльна прыбылі на імпрэзу, і, вядома ж, галоўным асобам жніва — камбайнерам і аграному. Каравай са збожжа мінулага года ўручылі старшыні раённага Савета дэпутатаў Мікалаю Місюру. Так было выказана пажаданне сустрэцца на раённым свяце дажынак і там ужо ўручаць каравай са збожжа новага ўраджаю.