Рэспубліканская прафілактычная акцыя «Дом без гвалту!»

З мэтай прыцягнення ўвагі шырокіх слаёў насельніцтва да праблем гвалту ў сям'і, тлумачэння грамадзянам неабходнасці садзейнічання дзяржаўным органам у мінімізацыі наступстваў правапарушэнняў, што здзяйсняюцца на гэтай глебе, тлумачэння палажэнняў Закона Рэспублікі Беларусь ад 4 студзеня 2014 года «Аб асновах дзейнасці па прафілактыцы правапарушэнняў» з 13 па 24 красавіка 2020 года на тэрыторыі Лепельскага раёна праводзіцца рэспубліканская прафілактычная акцыя «Дом без гвалту!».

Мэта: уцягнуць шырокія слаі насельніцтва ў аказанне дапамогі і садзейнічання дзяржаўным органам у вырашэнні праблем гвалту ў сям'і, з прымяненнем да асоб асацыяльных паводзін мер індывідуальнай прафілактыкі правапарушэнняў.

Задачы:

1. Давесці інфармацыю аб магчымасцях дзяржаўных органаў і грамадскіх аб'яднанняў вырашэння праблем гвалту ў сям'і, палажэнні Закона Рэспублікі Беларусь ад 4 студзеня 2014 года «Аб асновах дзейнасці па прафілактыцы правапарушэнняў».

2. Прыняць меры прафілактычнага ўздзеяння да асоб, якія здзейснілі гвалт у сям'і.

У межах дадзенага мерапрыемства спецыялісты міністэрстваў унутраных спраў, працы і сацыяльнай абароны, жыллёва-камунальнай гаспадаркі, інфармацыі, адукацыі, аховы здароўя, культуры, а таксама розных арганізацый і грамадскіх аб'яднанняў інфармуюць грамадзян аб прававых нормах, якія дзейнічаюць у дадзенай сферы; дапамозе, якая аказваецца ахвярам гвалту; рабоце тэлефонаў даверу і «гарачых ліній».

Упершыню акцыя «Дом без гвалту» праведзена ў красавіку 2013 года і ўжо знайшла станоўчы водгук ва ўсіх зацікаўленых дзяржорганаў. Яе штогадовае правядзенне ўключана ў Нацыянальны план дзеянняў па забеспячэнні гендарнай роўнасці ў Рэспубліцы Беларусь на 2011 – 2015 гады, зацверджаны Саветам Міністраў.

Акрамя гэтага, з 16 красавіка 2014 года ўступіў у законную сілу новы Закон Рэспублікі Беларусь «Аб асновах дзейнасці па прафілактыцы правапарушэнняў», хацелася б адзначыць, што гэта не змяненне ў яшчэ дзеючы Закон, а абсалютна новы Закон.

Навацыі закранулі:

- аптымізацыю прафілактычнага ўліку;

- змяніўся шэраг абавязкаў для асобаў, якія прафілактыруюцца;

- прыняты шэраг

новых мер па папярэджанні гвалту ў сям'і, у першую чаргу – ахоўнае прадпісанне;

- канцэнтрацыя ў праводнай прафілактычнай рабоце асноўнай увагі засяроджана на правядзенні практычных мерапрыемстваў з грамадзянамі, якія сістэматычна здзяйсняюць правапарушэнні ў сферы «быту» і ў стане ап'янэння.

Хацелася б адзначыць, што Лепельскі РАУС рэгулярна праводзіць комплексныя мерапрыемствы па недапушчэнні асацыяльных паводзін грамадзян у сферы сямейна-бытавых адносін.

У мэтах папярэджання цяжкіх наступстваў сямейна-бытавых канфліктаў толькі ў гэтым годзе праведзена адна прафілактычная акцыя, накіраваная на прафілактыку правапарушэнняў у сферы сямейна-бытавых адносін, у дачыненні да асоб, якія парушаюць правы іншых членаў сем'яў, узбуджана 1 крымінальная справа прэвентыўнай накіраванасці. З іх 1 – за наўмыснае прычыненне лёгкіх цялесных пашкоджанняў, 12 асоб, якія злоўжываюць спіртнымі напоямі, накіравана ў ЛПП.

У завяршэнне хацелася б сказаць, паважаныя грамадзяне, калі Вы сталі ахвярай або сведкам сямейнага гвалту, не чакайце трагедыі, звяртайцеся ў міліцыю, а таксама Вы можаце атрымаць дапамогу па тэлефонах бясплатнай гарачай лініі для пацярпелых ад хатняга гвалту па ўсёй Рэспубліцы Беларусь 8-801-100-8-801 (званок ананімны, штодзённа з 08:00 да 20:00).

Начальнік аддзела аховы правапарадку і прафілактыкі

Лепельскага РАУС падпалкоўнік міліцыі Міхно І.А