Рэспубліканскі план мерапрыемстваў па правядзенні Года прадпрымальнасці зацверджаны ў Беларусі

12 сакавіка, Мінск /Вольга Беляўская - БЕЛТА/. Рэспубліканскі план мерапрыемстваў па правядзенні ў 2011 годзе Года прадпрымальніцтва зацверджаны ў Беларусі. Адпаведнае рашэнне змяшчаецца ў пастанове Савета Міністраў №266, паведамілі БЕЛТА ў прэс-службе ўрада. План мерапрыемстваў уключае 37 пазіцый, у тым ліку па выкананні палажэнняў Дырэктывы №4; удасканаленні прававога рэгулявання інвестыцыйнай і іншай прадпрымальніцкай дзейнасці ў частцы абароны правоў інвестара, добрасумленнага набывальніка; пашырэнні сеткі інкубатараў малога прадпрымальніцтва, створаных на базе дзяржаўных арганізацый, якія маюць невыкарыстоўваемыя вытворчыя плошчы; развіцці сферы прымянення добраахвотнай сертыфікацыі прадукцыі, работ, паслуг, сістэм кіравання па заяўках юрыдычных асоб і індывідуальных прадпрымальнікаў для павышэння іх канкурэнтаздольнасці. Планам прадугледжана таксама пашырэнне ўкаранення электроннага дакументаабароту, прыняцце мер, накіраваных на недапушчэнне фактаў цяганіны, бюракратызму і карупцыі ў рабоце дзяржаўных органаў і арганізацый, аблвыканкамаў і Мінскага гарвыканкама. На працягу года будуць арганізаваны даследаванні ў галіне менеджменту персаналу, распрацаваны і ўкаранёны методыкі ацэнкі эфектыўнасці, кіравання паляпшэннямі ў арганізацыях з улікам аспектаў прадпрымальніцтва, дзелавой актыўнасці і ініцыятывы. Будуць прыняты меры для фарміравання атмасферы здаровай канкурэнцыі, спрыяльных умоў для ўкаранення новых тэхналогій ва ўсіх сферах. Міністэрствы і ведамствы сфарміруюць запатрабаваны пералік імпартазамяшчальнай прадукцыі, які будзе размешчаны ў сродках масавай інфармацыі для прыцягнення да асваення і ўкаранення суб'ектамі прадпрымальніцкай дзейнасці. Мяркуецца таксама падрыхтоўка праекта ўказа Прэзідэнта Беларусі, які зацвярджае палажэнні аб дадатковым матэрыяльным стымуляванні працы кіраўнікоў, а таксама ўказ аб заснаванні Дня прадпрымальніка. Акрамя гэтага, плануецца ўнясенне дапаўненняў у прыкладны пералік працоўных і сацыяльных гарантый, рэкамендаваных для ўключэння ў калектыўныя дагаворы, іншыя лакальныя нарматыўныя прававыя акты арганізацый, кантракты для замацавання ў арганізацыях высокакваліфікаваных работнікаў. План прадугледжвае таксама павелічэнне памеру грашовых сродкаў, накіраваных на фінансавую падтрымку беспрацоўных, якія арганізуюць прадпрымальніцкую дзейнасць, звязаную з рэалізацыяй і ўкараненнем навуковых даследаванняў і распрацовак.

Згодна зацверджанаму плану прыцягненне ўстановамі, якія забяспечваюць атрыманне вышэйшай адукацыі, падпарадкаванымі Мінадукацыі, на выкананне навуковых даследаванняў і распрацовак з пазабюджэтных крыніц фінансавання павінна скласці не менш за 40% ад агульнага аб'ёму сродкаў, накіраваных на выкананне навуковых даследаванняў і распрацовак. На працягу года ў Беларусі будуць арганізаваны нацыянальны конкурс маладзёжных інавацыйных праектаў у сферы высокіх тэхналогій "Беларусь старт-ап", агляды-конкурсы на лепшыя рацыяналізатарскія прапановы і вынаходствы, рэспубліканскі фестываль-конкурс па эканоміцы і прадпрымальніцтве сярод навучэнцаў устаноў, якія забяспечваюць атрыманне сярэдняй спецыяльнай, прафесійна-тэхнічнай і агульнай сярэдняй адукацыі, "Лесвіца поспеху". Як паведамілі БЕЛТА ў Міністэрстве эканомікі, каментуючы пастанову, рэспубліканскі план мерапрыемстваў па правядзенні Года прадпрымальніцтва ўяўляе сабой комплекс мер нарматыўна-прававога, эканамічнага, ідэйна-выхаваўчага і арганізацыйнага характару, рэалізацыя якіх дазволіць адшукаць новыя крыніцы эканамічнага росту і павышэння дабрабыту за кошт развіцця інтэлектуальнага, творчага патэнцыялу чалавека, пошуку новых ідэй, тэхналогій і інавацый, пераадолення псіхалогіі сацыяльнай інерцыі, раскрыцця навыкаў кіраўнікоў прымаць рызыкоўныя, але абгрунтаваныя і перспектыўныя рашэнні, выхавання творчага і энергічнага пакалення маладых кіраўнікоў і навукоўцаў. Дасягненне ўказаных вынікаў прадугледжваецца ажыццявіць праз лібералізацыю дзяржаўнага кіравання, ухіленне залішніх адміністрацыйных бар'ераў, развіццё канкурэнцыі, пераход да інавацыйнага шляху развіцця, пошук і паскоранае ўкараненне тэхналагічных змяненняў праз узаемадзеянне навукі і вытворчасці. Будзе павышаны ўзровень адукацыі кіраўнікоў, спецыялістаў органаў кіравання і арганізацый, моладзі і школьнікаў з акцэнтам на развіццё прадпрымальніцтва, дзелавой актыўнасці і ініцыятывы."Каб пазбегнуць дубліравання прымаемых мер па ўдасканаленні ўмоў ажыццяўлення эканамічнай дзейнасці, стварэнню спрыяльнага дзелавога і інвестыцыйнага клімату, развіццю канкурэнцыі, падрыхтоўка праекта плана мерапрыемстваў ажыццяўлялася ва ўзаемасувязі з праектамі плана мерапрыемстваў па рэалізацыі палажэнняў Дырэктывы №4 і сумесным планам дзеянняў урада і Нацыянальнага банка па выкананні параметраў прагнозу, бюджэту і асноўных напрамкаў грашова-крэдытнай палітыкі Беларусі на 2011 год", - распавялі ў Мінэканомікі. Фінансаванне зацверджанага плана будзе ажыццяўляцца за кошт сродкаў, прадугледжаных у рэспубліканскім і мясцовых бюджэтах на 2011 год, уласных сродкаў арганізацый і іншых крыніц.-0-

БЕЛТА