26 кастрычніка, Віцебск /Сяргей Кочатаў - БЕЛТА/. Рэзідэнты СЭЗ "Віцебск" у студзені-веражні бягучага года прыцягнулі каля $13,1 млн. прамых замежных інвестыцый, што больш чым на 20% больш, чым за аналагічны перыяд 2010 года. Аб гэтым карэспандэнту БЕЛТА паведамілі ў інвестыцыйна-эканамічным упраўленні адміністрацыі СЭЗ. Усяго з пачатку дзейнасці СЭЗ "Віцебск" прыцягнута больш за $140 млн. прамых замежных інвестыцый, пры гэтым дзеючымі рэзідэнтамі вольнай эканамічнай зоны асвоена звыш $160 млн. інвестыцый. У студзені-веражні рэзідэнты экспартавалі прадукцыі на суму амаль $140 млн. Сальда знешнегандлёвых аперацый, паводле даных за 8 месяцаў, склалася станоўчым і склала $10,4 млн. Рэзідэнты СЭЗ "Віцебск" экспартуюць прадукцыю ў 22 краіны свету. Па выніках працы ў студзені-жнівень прадпрыемствы-рэзідэнты павялічылі аб'ём вытворчасці імпартазамяшчальнай прадукцыі на 76,3% амаль да Br364 млрд. Тэмп росту агульнага аб'ёму выпуску прадукцыі ў СЭЗ "Віцебск" склаў 172,2% у фактычных цэнах у параўнанні з аналагічным перыядам 2010 года. У 2011 годзе на прадпрыемствах-рэзідэнтах СЭЗ створана больш за 400 працоўных месцаў, а ўсяго ў СЭЗ працуе звыш 8 тыс. спецыялістаў. СЭЗ "Віцебск" утворана ў жніўні 1999 года. Сёння ў СЭЗ рэалізуецца 44 інвестыцыйныя праекты. Больш за 60% рэзідэнтаў СЭЗ з'яўляюцца сумеснымі і замежнымі прадпрыемствамі, створанымі з удзелам інвестараў з 13 краін, у тым ліку Германіі, Польшчы, ЗША, Чэхіі, Вялікабрытаніі, Расіі, Канады, Галандыі і Ізраіля. Аснову прамысловага патэнцыялу СЭЗ складаюць прадпрыемствы, якія працуюць у сферы машынабудавання, дрэваапрацоўкі, харчовай, хімічнай, паліўнай і лёгкай прамысловасці. Тэрыторыя вольнай эканамічнай зоны ўключае 12 сектараў агульнай плошчай больш за 2,1 тыс.га, якія размешчаны ў гарадской рысе Віцебска, Пастаў, Оршы, Барані, гарадскога пасёлка Балбасава (Аршанскі раён), а таксама ў Віцебскім раёне.-0-

БЕЛТА