8 жніўня, Віцебск /Кар. БЕЛТА/. Расонскі райвыканкам шукае нарыхтоўшчыка матыля, паведамляе БЕЛТА са спасылкай на афіцыйны сайт Віцебскага аблвыканкама.Расонскі райвыканкам 7 верасня 2013 года правядзе адкрытыя таргі ў форме конкурсу на прадастаўленне права на нарыхтоўку і (або) закупку лічынак хіранімідаў на тэрыторыі возера Расона тэрмінам на тры гады. Да ўдзелу ў конкурсе запрашаюцца юрыдычныя асобы і індывідуальныя прадпрымальнікі. Інфармацыя аб правядзенні таргоў апублікавана ў раздзеле "аўкцыёны" на афіцыйных сайтах Віцебскага аблвыканкама і Расонскага райвыканкама. Здабыча матыля з'яўляецца высокарэнтабельным і экспартаарыентаваным відам дзейнасці, яе аб'ём складае 30-40 т у год.Камары-дзвінцы, хіраніміды (Chironomidae) - сямейства двухкрылых. Назву камар атрымаў з-за характэрнага гуку, які атрымліваецца з-за таго, што камар махае крыламі да 1 тыс. уздымаў у секунду. Дарослыя асобіны наогул не харчуюцца, іх ротавыя органы недаразвіты. Лічынкі камароў-дзвінцоў (матыль) жывуць у прыдонным іле і здольныя жыць на глыбіні да 300 м. Яны харчуюцца дэтрытам і мікраарганізмамі, некаторыя з'яўляюцца драпежнікамі. Выкарыстоўваюцца ў якасці корму для рыбы.-0-Навіны Беларусі (БЕЛТА)