Аб выніках сацыяльна-эканамічнага развіцця раёна за 6 месяцаў 2026 года. Падрабязна расказаў пра гэта намеснік старшыні райвыканкама Вячаслаў Машаро.
Аб выніках выканання бюджэту Лепельскага раёна за 1 паўгоддзе 2026 года. На гэту тэму выступіла начальнік фінансавага аддзела райвыканкама Жанна Сідоркіна.У разглядзе пытанняў прыняў удзел намеснік Міністра эканомікі Рэспублікі Беларусь Аляксей Зубовіч.
На пасяджэнні заслуханы кіраўнікі арганізацый, якімі не забяспечана выкананне мэтавага паказчыка і даведзеных заданняў за справаздачны перыяд.
Як адзначыў намеснік міністра эканомікі Аляксей Зубовіч — у 2021-2025 гадах Лепель стабільна ўваходзіў у ТОП-3 раёнаў Віцебшчыны па тэмпах інвестыцый у асноўны капітал, у 2,2 раза апярэджваючы сярэднеабласныя і рэспубліканскія паказчыкі.
— У вас ёсць уласныя «гісторыі поспеху»: рэалізавана два праекты ініцыятывы «Адзін раён — адзін праект», створана каля 40 высокааплачваемых працоўных месцаў. Другі год дзейнічае новы механізм падтрымкі «Рэгіянальная ініцыятыва», і тры праекты Лепельшчыны ўжо сталі часткай яе пула. Улічваючы беспрэцэдэнтныя фінансавыя прэферэнцыі для Віцебскага Паазер'я — максімальны памер бюджэтнага трансферту ў 35 працэнтаў, мы разумеем, што такіх перспектыўных ідэй можа і павінна быць значна больш. Таму ключавая задача — актыўна прасоўваць новыя магчымасці і максімальна эфектыўна іх выкарыстоўваць, — акцэнтаваў Аляксей Зубовіч.