Аматарскае рыбалоўства ў Рэспубліцы Беларусь рэгламентуецца Правіламі вядзення рыбалоўнай гаспадаркі і рыбалоўства (далей – Правілы).
Аматарскае рыбалоўства ў Рэспубліцы Беларусь рэгламентуецца Правіламі вядзення рыбалоўнай гаспадаркі і рыбалоўства (далей – Правілы). Згодна з Правіламі забараняецца аматарскае рыбалоўства:
- з маламерных суднаў у цёмны час сутак;
- з выкарыстаннем кружкоў, жерлиц, ставак, калабашак і іншых аналагічных сістэм і аснашчэнняў у цёмны час сутак;
- з выкарыстаннем асвятляльных прыбораў.
Такім чынам, лоўля рыбы ў цёмны час сутак на працягу года дазволена толькі з берага, альбо з лёду. Дадзеная норма не распаўсюджваецца на перыяд, калі ўстанаўліваецца забарона на лоўлю ўсіх відаў рыбы, у Віцебскай вобласці з 10 красавіка па 8 чэрвеня. У гэты час лоўля рыбы ажыццяўляецца рыбаловам адной вудай з адным кручком або адным спінінгам, аснашчаным штучнай прынадай, з адным адзінарным, або падвойным, або патройным кручком у светлы час сутак з берага (без заходу ў ваду) альбо з лёду, з штучных збудаванняў.
Згодна з Правіламі паняцце цёмны час сутак – перыяд часу, цячэнне якога пачынаецца праз адну гадзіну пасля заходу сонца і заканчваецца за адну гадзіну да ўзыходу сонца.
Адміністрацыйная адказнасць за парушэнне Правілаў вядзення рыбалоўнай гаспадаркі і рыбалоўства цягне за сабой накладанне штрафу ў памеры ад 20 да 50 базавых велічынь.