Будуць адпрацоўвацца населеныя пункты і прылеглыя да іх аўтадарогі, накіраваныя на папярэджанне і спыненне парушэнняў Правілаў дарожнага руху веласіпедыстамі, асобамі, якія перамяшчаюцца на СПМ, кіроўцамі мотатранспарту.


Рух на веласіпедзе павінен ажыццяўляцца па веласіпеднай дарожцы, а пры яе адсутнасці — па абочыне або пешаходнай дарожцы, не ствараючы перашкод для бяспечнага руху пешаходаў. Пры адсутнасці ўказаных элементаў дарогі або немагчымасці руху па іх дапускаецца рух веласіпедыстаў па праезнай частцы дарогі ў адзін шэраг не далей 1 метра ад яе правага краю.

Пры гэтым:

- выезд далей 1 метра ад правага краю праезнай часткі дарогі дапускаецца толькі для аб'езду перашкоды і ў дазволеных выпадках для павароту налева або развароту; - калоны веласіпедыстаў пры руху па праезнай частцы дарогі павінны быць падзелены на групы не больш чым па 10 веласіпедыстаў. Адлегласць паміж групамі павінна складаць не менш за 100 метраў; - пры наяўнасці на праезнай частцы дарогі лініі гарызантальнай дарожнай разметкі 1.2, якая абазначае яе край, гэтая лінія павінна размяшчацца злева ад веласіпедыста.

Рух веласіпедыстаў па праезнай частцы незалежна ад наяўнасці веласіпеднай дарожкі, абочыны, тратуара або пешаходнай дарожкі можа ажыццяўляцца:

- у зоне з абмежаваннем максімальнай хуткасці руху не далей 1 метра ад яе правага краю ў адзін шэраг; - падчас вучэбна-трэніровачнага працэсу ў выпадку суправаджэння аўтамабілем прыкрыцця. Пры гэтым рух веласіпедыстаў дапускаецца ў два рады, але не больш за 10 веласіпедыстаў у групе.

Пры руху па дарозе ў цёмны час сутак і (або) пры яе недастатковай бачнасці на веласіпедзе або мапедзе павінны быць уключаны: спераду — фара (ліхтар), якая выпраменьвае белае святло, ззаду — ліхтар, які выпраменьвае чырвонае святло. Пры гэтым па-за населенымі пунктамі веласіпедыст павінен быць апрануты ў адзенне павышанай бачнасці са святлоадбівальнымі элементамі (за выключэннем руху па веласіпеднай дарожцы). Веласіпедыст абавязаны перасякаць праезную частку дарогі па веласіпедным пераездзе або веласіпеднай дарожцы, а пры іх адсутнасці — па пешаходным пераходзе, на скрыжаванні па лініі тратуараў або абочын, не ствараючы перашкод для руху пешаходаў.

Пры перасячэнні праезнай часткі дарогі веласіпедыст мае права не спешвацца.

Пры руху на нерэгуляваных пешаходных пераходах, веласіпедных пераездах і рэгуляваных пешаходных пераходах, веласіпедных пераездах пры адначасовым для кіроўцаў і веласіпедыстаў дазваляючым сігнале рэгуліроўшчыка або святлафора веласіпедыст мае перавагу перад іншымі транспартнымі сродкамі.

У выпадку перасячэння праезнай часткі дарогі на скрыжаванні па веласіпеднай дарожцы, па лініі тратуараў або абочын веласіпедыст абавязаны кіравацца патрабаваннямі транспартных святлафораў або рэгуліроўшчыка для транспартных сродкаў, а на нерэгуляваным скрыжаванні — правіламі праезду нерэгуляваных скрыжаванняў і дарожнымі знакамі прыярытэту. Пры пад'ездзе да скрыжавання з праезнай часткай дарогі веласіпедыст павінен загадзя знізіць хуткасць руху і, пераканаўшыся, што выезд на праезную частку дарогі бяспечны, перасякаць яе з хуткасцю пешахода, які ідзе крокам.

Рух на мапедзе павінен ажыццяўляцца па праезнай частцы дарогі не далей 1 метра ад яе правага краю. Пры гэтым выезд далей 1 метра ад яе правага краю дапускаецца толькі для аб'езду перашкоды і ў дазволеных выпадках для павароту налева або развароту, а таксама ў выпадках, калі паласа руху прызначана толькі для павароту направа.

Веласіпедысту і кіроўцу мапеда забараняецца:

- выкарыстоўваць тэхнічна няспраўныя веласіпеды і мапеды, а таксама абсталяваныя з парушэннем устаноўленых патрабаванняў; - рухацца па праезнай частцы дарогі, перавозіць пасажыраў, за выключэннем выпадкаў перавозкі на веласіпедзе дзяцей ва ўзросце да сямі гадоў у веласіпедным шлеме на дадатковым спецыяльна абсталяваным сядзенні, якое фіксуе (ахоўвае) ногі дзіцяці, або калі перавозка пасажыраў прадугледжана канструкцыяй мапеда; - перавозіць грузы, якія выступаюць больш чым на 0,5 метра па даўжыні або шырыні за габарытытна транспартнага сродку, а таксама грузы, якія перашкаджаюць кіраванню гэтым транспартным сродкам.

Кіроўцу веласіпеда забараняецца:

- не дасягнуўшы чатыЗабараняецца буксіроўка веласіпеда і веласіпедам, за выключэннем веласіпеднага прычэпа прамысловай вытворчасці