З 19 па 22 ліпеня на тэрыторыі Лепельскага раёна пройдзе прафілактычнае мерапрыемства «СУСТРАЧНАЯ ПАЛАСА!».
Абгон – самы небяспечны манеўр пры кіраванні аўтамабілем. Прычым ён аднолькава небяспечны для таго, хто абганяе, для таго, каго абганяюць, і для сустрэчных аўтамабіляў. Менавіта абгоны з'яўляюцца самымі распаўсюджанымі прычынамі ДТЗ.
Акрамя агульных патрабаванняў, пералічаных у правілах дарожнага руху, пры здзяйсненні абгону карысна ведаць шэраг тэхнічных прыёмаў, якія дапамагаюць здзейсніць абгон бяспечна: - пастаянна кантралюйце сітуацыю наперадзе і ззаду.
Трэба сачыць за тым, каб ніхто не абганяў вас у момант пачатку абгону; - не абганяйце аўтамабіль, які прытармажвае або адхіляецца ад прамалінейнага руху; - не трэба набліжацца ззаду блізка да аўтамабіляў, якія абганяюцца.
Дыстанцыя ў дадзеным выпадку неабходная для разгону і для лепшай праглядальнасці дарогі; - заўсёды нехта можа ехаць хутчэй. Дайце ім магчымасць абагнаць - у момант абгону, калі сустрэчных машын няма, не націскайце на газ, але і не тармазіце.