З 19 па 24 лістапада 2019 года праводзіцца маштабная інфармацыйная кампанія «Час стаць заўважным!»

У студзені-кастрычніку 2019 года на тэрыторыі рэспублікі адбылося 2750 дарожна-транспартных здарэнняў з пацярпелымі, у якіх 395 чалавек загінула і 2 939 атрымалі траўмы. Пры гэтым у цёмны час сутак адбылося 870 ДТЗ, у якіх 202 чалавекі атрымалі смяротныя траўмы, 823 – раненні.

Ад агульнай колькасці загінулых у ДТЗ у цёмны час сутак 68.3% (138) складаюць уразлівыя ўдзельнікі дарожнага руху (пешаходы, веласіпедысты, возчыкі).

У мэтах мінімізацыі негатыўных тэндэнцый у сферы бяспекі дарожнага руху, павышэння эфектыўнасці работы органаў унутраных спраў па ліквідацыі прычын і ўмоў дарожна-транспартнага траўматызму ў цёмны час сутак, з 19 па 24 лістапада 2019 года праводзіцца маштабная інфармацыйная кампанія «Час стаць заўважным!» па прапагандзе выкарыстання святлоадбівальнай прадукцыі для павышэння бяспекі ўсіх удзельнікаў дарожнага руху.

У цемры небяспека здзяйснення наезду павялічваецца ў параўнанні са светлым часам сутак у 9 разоў. Таму ўзнікае неабходнасць зрабіць пешаходаў як мага больш заўважнымі. Менавіта сродкі пасіўнай бяспекі са святлоадбівальных элементаў (падвескі, павязкі, камізэлька і інш.) дапамагаюць грамадзянам пазбегнуць ДТЗ. Важна, каб яны не былі закрыты складкамі адзення, сумкай або парасонам. Пры гэтым выкарыстанне флікераў не дае права парушаць ПДР і беспадстаўна выходзіць на праезную частку!

Згодна з п. 200 ПДР ровар павінен мець спраўныя тармазную сістэму, рулявое кіраванне і гукавы сігнал, быць абсталяваны люстэркам задняга віду, спераду святлоадбівальнікам белага колеру, ззаду – святлоадбівальнікам (святлоадбівальнікамі) чырвонага колеру, а з кожнага бакавога боку – святлоадбівальнікамі аранжавага колеру. Акрамя гэтага, згодна з ПДР, пры руху па дарозе ў цёмны час сутак і пры яе недастатковай бачнасці на ровары павінны быць уключаны: спераду – фара (ліхтар), якая выпраменьвае белае святло, ззаду – ліхтар, які выпраменьвае чырвонае святло.

Акрамя таго, ДАІ настойліва рэкамендуе веласіпедыстам надзяваць святлоадбівальныя камізэлькі і спецыяльныя велашлемы. У светлы

«Цёмны» гужавы транспарт на праезнай частцы з’яўляецца вельмі небяспечным, і пры сустрэчным раз’ездзе аўтамабіляў пазбегнуць наезду на павозку практычна немагчыма. Пры руху ў цемры кіроўца бачыць толькі тую частку дарогі, якая асветлена фарамі аўтамабіля, успрыманне светлавых кантрастаў становіцца горш. Ужо ў ранніх прыцемках прадметы, што выразна бачныя ўдзень, блякнуць, а пасля заходу сонца становяцца ледзь прыкметнымі. А калі да гэтага дадаецца туман або дробны дождж, то невыразная постаць чалавека на павозцы зліваецца з цемрай. Таму возчыку неабходна быць бачным на дарозе і ў цёмны час сутак у абавязковым парадку выкарыстоўваць святлоадбівальныя павязкі, але лепшы варыянт – святлоадбівальны жылет.

Пункт 159 Правілаў дарожнага руху абвяшчае: «Пры руху па дарозе ў цёмны час сутак і (або) пры яе недастатковай бачнасці на гужавым транспартным сродку спераду павінен быць уключаны ліхтар, які выпраменьвае белае святло, ззаду – ліхтар, які выпраменьвае чырвонае святло». Але, на жаль, не ўсе ўладальнікі павозак гэтаму патрабаванню надаюць належнае значэнне. А за гэтым – чалавечыя жыцці, зламаныя лёсы людзей.

Да пешахода, асобы, якая кіруе веласіпедам, гужавым транспартным сродкам або ўдзельнічае ў дарожным руху і не кіруе транспартным сродкам, якая дапусціла парушэнне ПДР, прымяняецца адміністрацыйнае спагнанне ў выглядзе папярэджання або штрафу ў памеры да трох базавых велічынь, а ў выпадку знаходжання пешахода ў стане алкагольнага ап'янення, альбо адмова ад праходжання ва ўстаноўленым парадку праверкі (асведчавання) – да пяці базавых велічынь.