Аналіз дарожнай абстаноўкі ў вобласці сведчыць аб тым, што працягваюць мець месца факты парушэнняў асобнымі кіроўцамі аўтамабіляў таксі і аўтобусаў Правілаў дарожнага руху, а таксама патрабаванняў іншых нарматыўна-прававых актаў, якія рэгламентуюць дзейнасць аўтамабільных перавозак пасажыраў у рэгулярным і нерэгулярным злучэнні.
Улічваючы неабходнасць прыняцця дзейсных мер па стабілізацыі абстаноўкі, звязанай з забеспячэннем бяспекі дарожнага руху, у перыяд з 20 мая па 19 чэрвеня 2021 года на тэрыторыі Віцебскай вобласці будуць праведзены рэйдавыя мерапрыемствы па кантролі за выкананнем патрабаванняў Правілаў дарожнага руху кіроўцамі аўтамабіляў таксі пры ўдзеле ў дарожным руху, у тым ліку на прадмет наяўнасці дазволу на допуск да ўдзелу ў дарожным руху, наяўнасці ў кіроўцаў права кіравання транспартнымі сродкамі, а таксама іншых патрабаванняў заканадаўства ў сферы забеспячэння бяспекі дарожнага руху.