Зрабіць свет вакол сябе цікавым, а галоўнае – бяспечным. Пад такой агульнай ідэяй аб'яднаюцца юныя ратавальнікі-пажарныя ў рамках рэспубліканскай акцыі МНС «Моладзь за бяспеку».
Зрабіць свет вакол сябе цікавым, а галоўнае – бяспечным. Пад такой агульнай ідэяй аб'яднаюцца юныя ратавальнікі-пажарныя ў рамках рэспубліканскай акцыі МНС «Моладзь за бяспеку».
З 21 верасня па 16 кастрычніка ў рэспубліцы пройдзе акцыя «Моладзь за бяспеку», прымеркаваная да дня ўтварэння Беларускай маладзёжнай грамадскай арганізацыі ратавальнікаў-пажарных (БМАГРП).
Падчас першага этапу акцыі з 21 па 30 верасня юныя ратавальнікі сумесна з работнікамі МНС, заручыўшыся падтрымкай грамадскіх арганізацый і прадстаўнікоў працоўных калектываў, пачнуць наведваць шматдзетныя сем'і, ветэранаў Вялікай Айчыннай вайны, адзінока пражываючых пажылых людзей для аказання шэфскай дабрачыннай дапамогі. Маладзёжны працоўны дэсант акажа пасільную дапамогу ў нарыхтоўцы дроў, уборцы жылых памяшканняў, прыдамавой тэрыторыі, устаноўцы аўтаномных пажарных апавяшчальнікаў.
2-і этап акцыі пройдзе з 1 па 9 кастрычніка і будзе прымеркаваны да Міжнароднага дня пажылых людзей, які адзначаецца 1 кастрычніка. У сувязі з гэтым ратавальнікі арганізуюць правядзенне мерапрыемстваў прафілактычнага характару з дадзенай мэтавай аўдыторыяй на базе тэрытарыяльнага цэнтра сацыяльнага абслугоўвання насельніцтва.
На трэцім этапе з 12 па 16 кастрычніка ратавальнікі сумесна з юнымі ратавальнікамі-пажарнымі правядуць мерапрыемства, асноўная мэта якога - расказаць насельніцтву аб дзейнасці БМАГРП, дзе падораць гледачам творчыя нумары мастацкай самадзейнасці, правядуць конкурсы, віктарыны, латарэі і многае іншае.