З 23 па 25 верасня на большай частцы тэрыторыі Віцебскай вобласці чакаецца надзвычайная пажарная небяспека

На тэрыторыі 15 рэгіёнаў Віцебшчыны працягваюць дзейнічаць рашэнні мясцовых органаў улады аб забароне на наведванне лясоў (Бешанковіцкім, Віцебскім, Гарадоцкім, Дубровенскім, Лёзненскім, Лепельскім, Аршанскім, Мёрскім, Полацкім, Расонскім, Сенненскім, Талачынскім, Ушацкім, Чашніцкім, Шумілінскім раёнах).
Выратавальнікі разам з зацікаўленымі службамі працягваюць штодзённы маніторынг стану пажарнай бяспекі ў экасістэмах. Асноўныя рэсурсы ў дадзенай працы накіраваны на напамін насельніцтву аб неабходнасці выконваць рэкамендацыі МНС ва ўмовах надзвычайнай пажарнай небяспекі:
- не разводзіць вогнішчы ў лясах і быць уважлівымі і максімальна асцярожнымі пры звароце з агнём
- не кідаць на зямлю непатушаныя цыгарэты і запалкі.

Грамадзянам, якія пражываюць у сельскай мясцовасці або маюць дачныя домікі, адмовіцца ад навядзення парадку з выкарыстаннем агню.