Разам са скарачэннем светлавога дня ўзрастае праблема ДТЗ з удзелам пешаходаў і веласіпедыстаў, не абазначаных святлоадбівальнымі элементамі.
З месца кіроўцы аб'екты, якія не маюць актыўнага святла, на праезнай частцы зліваюцца з цемрай і становяцца практычна нябачнымі. Акрамя таго, кіроўцу можа асляпляць святло фар сустрэчнага транспарту.Пешаход ці веласіпедыст, асветлены набліжаючайся машынай, лічыць, што ён заўважны кіроўцу. Аднак гэта не так! Чалавек, які знаходзіцца на праезнай частцы, становіцца бачным у лепшым выпадку за 25-30 метраў. Такую адлегласць пры хуткасці руху 90 км/г аўтамабіль пераадольвае прыкладна за секунду! Нават пры хуткасці 50 км/г тармазны шлях перавышае ўказаную адлегласць.
Таму надзвычай важна выкарыстоўваць святлоадбівальнікі і рабіць гэта правільна.
Парады ДАІ па размяшчэнні флікераў:
- Святлоадбівальнік павінен быць добра бачны з усіх бакоў;
- Святлівую стужку трэба завязаць на рукаве ці штанах, а падвеску прышпіліць да адзення ці партфеля, сумкі;
- Аптымальным з'яўляецца выкарыстанне двух і больш флікераў адначасова;
- Белы, лімонны, жоўты - гэтыя колеры святлоадбівальнікаў адпавядаюць патрабаванням і сапраўды прасігналізуюць кіроўцу аб вашай прысутнасці на дарозе;
- У цёмны час сутак на прыгарадных трасах веласіпедысты абавязаны насіць адзенне або спецыяльныя камізэлькі са святлоадбівальнымі ўстаўкамі.
Выкарыстанне святлоадбівальных элементаў з'яўляецца эфектыўным спосабам павышэння вашай бяспекі на дарогах.