4 мая, Мінск /Юлія Ваніна - БЕЛТА/. Сёння пачынаецца рэгістрацыя абітурыентаў для ўдзелу ў цэнтралізаваным тэсціраванні (ЦТ). Рэгістрацыя будзе праводзіцца з 4 мая па 1 чэрвеня ўключна. Пра гэта паведаміў карэспандэнту БЕЛТА дырэктар Рэспубліканскага інстытута кантролю ведаў Міністэрства адукацыі Мікалай Феськоў. Пункты рэгістрацыі будуць працаваць з 9.00 да 19.00 у буднія дні і да 18.00 у суботу. Абітурыент пры рэгістрацыі павінен будзе запоўніць заяву, прадаставіць дакумент аб унясенні платы за прыём і афармленне дакументаў для ўдзелу ў цэнтралізаваным тэсціраванні (Br10 тыс. за адзін навучальны прадмет), прад'явіць пашпарт або від на жыхарства ў Беларусі, або пасведчанне бежанца, або даведку, якая выдаецца ў выпадку страты (крадзяжу) дакумента, што сведчыць асобу. У Беларусі ў гэтым годзе ва ўсіх 73 пунктах рэгістрацыі ўведзена аўтаматызаваная сістэма запісу на ЦТ. Першы этап унядрэння інфармацыйнай сістэмы "Агульнарэспубліканскі банк даных удзельнікаў цэнтралізаванага тэсціравання" ахапіў у 2010 годзе пункты тэсціравання Мінска і абласных цэнтраў. Раней такая рэгістрацыя ў парадку эксперыменту праводзілася падчас уступнай кампаніі 2009 года ў Гродзенскім дзяржаўным універсітэце імя Янкі Купалы і Беларускім дзяржаўным універсітэце інфарматыкі і радыёэлектронікі. Унядрэння аўтаматызаванай інфармацыйнай сістэмы дазволіць упарадкаваць арганізацыю рэгістрацыі і весці яе па прынцыпе аднаго акна, упэўнены Мікалай Феськоў. Прымяненне новай сістэмы дазволіць цалкам аўтаматызаваць працу пунктаў рэгістрацыі, эканоміць працоўныя затраты і значную колькасць фінансавых сродкаў, забяспечваць рэгістрацыю абітурыентаў у межах аднаго акна. У цэлым сістэма скарачае час на рэгістрацыю аднаго абітурыента за кошт аўтаматызацыі ўсіх этапаў працы з дакументамі і пераводзіць працэс рэгістрацыі на новы ўзровень надзейнасці і аператыўнасці. Рэзервовы дзень для тых, хто не змог па аб'ектыўных прычынах прыбыць на цэнтралізаванае тэсціраванне па графіку, - 4 ліпеня. Тэрмін рэгістрацыі абітурыентаў для ўдзелу ў ЦТ па навучальных прадметах у рэзервовы дзень - з 27 па 30 чэрвеня.