Міжнародны пленэр дэкаратыўна-прыкладной творчасці "Букет Прыдняпроўя" збярэ 9-12 кастрычніка ў Аршанскім раёне майстроў з Беларусі і Расіі, паведамілі карэспандэнту БЕЛТА ў Віцебскім абласным метадычным цэнтры народнай творчасці.
Мерапрыемства пройдзе на базе Цэнтра народнай творчасці і рамёстваў у пасёлку Копысь. Яго ўдзельнікамі стануць знакамітыя ганчары і керамісты з розных куткоў Беларусі, а таксама іх калегі са Смаленска і Пскова. На працягу некалькіх дзён майстры будуць ствараць работы, праводзіць майстар-класы, падчас якіх раскажуць пра сваё бачанне захавання традыцый народных рамёстваў, падзеляцца вопытам, аўтарскімі напрацоўкамі і сакрэтамі прафмайстэрства.
Важнай часткай пленэру стане конкурсны складнік. Творчае спаборніцтва "Гліна спявае" пройдзе ў пяці намінацыях. Журы трэба будзе вызначыць лепшыя хатнюю калекцыю (іх аўтары прывязуць з сабой), зробленую ў дні пленэру гліняную посуд, цацку, выраб дэкаратыўна-глінянай пластыкі і выбраць пераможцу ў намінацыі "Захаванне і развіццё ганчарных традыцый".
Таксама насычаная праграма ўключае знаёмства з славутасцямі Аршанскага раёна, удзел у разнастайных культурных мерапрыемствах, у тым ліку свяце "Малая радзіма - вялікая любоў", прысвечаным Году малой радзімы і 960-годдзю пасёлка Копысь.
Арганізатары - Міністэрства культуры, Беларускі саюз майстроў народнай творчасці, упраўленне культуры Віцебскага аблвыканкама, Аршанскі райвыканкам.