26 мая, Полацк /Дзіяна Курыло - БЕЛТА/. У Віцебску адкрываецца Усебеларускі фестываль сямейнай творчасці "Таленавітыя разам", паведамілі карэспандэнту БЕЛТА ў цэнтры культуры "Віцебск". У фестывалі-конкурсе прымаюць удзел творчыя сем'і з дзецьмі, сямейныя ансамблі і нават творчыя калектывы з некалькіх сем'яў, а таксама сямейныя клубы, створаныя пры яўрэйскіх грамадскіх арганізацыях. Заяўкі на ўдзел даслалі сем'і і шматсямейныя калектывы з Магілёва, Гомеля, Бабруйска, Мінска, Ліды, Пінска і Віцебска. Нацыянальны склад удзельнікаў вельмі багаты: беларусы, цыганы, яўрэі, рускія, грэкі, латышы. Сямейная творчасць будзе прадстаўлена вакальнымі, харэаграфічнымі нумарамі, інструментальнай музыкай і нумарамі арыгінальнай жанравай формы, на якія толькі здольныя канкурсанты. Па выніках першага адборачнага дня строгае журы на чале з вядомым харэографам, педагогам, танцоўшчыцай Іннай Асламавай вызначыць сем удзельнікаў гала-канцэрта, якія прадставілі найбольш удалыя і ўражлівыя нумары. На гала-канцэрце 27 мая ў Віцебскай абласной філармоніі па выніках адборачнага тура Гран-пры фестывалю знойдзе свайго ўладальніка. Арганізатарамі фестывалю-конкурсу сталі Віцебскае грамадскае аб'яднанне "Гарадская яўрэйская абшчына" сумесна з Цэнтрам нацыянальных культур цэнтра культуры "Віцебск" і Кастрычніцкім раённым камітэтам БРСМ. Сваёй галоўнай мэтай фестываль лічыць прапаганду жыццесцвярджальных ідэалаў сям'і, а таксама ідэі міру, дружбы і стварэння.-0-

БЕЛТА