8 кастрычніка, Віцебск /Дзіяна Курыло - БЕЛТА/. Наваполацкі гарадскі аддзел Следчага камітэта Рэспублікі Беларусь праводзіць праверку па факце няшчаснага выпадку з гібеллю ў ААТ "Нафтан", паведаміла карэспандэнту БЕЛТА афіцыйны прадстаўнік упраўлення Следчага камітэта па Віцебскай вобласці Іна Гарбачова. У выніку падзення будаўнічых лясоў на тэрыторыі ААТ "Нафтан" загінуў грамадзянін Расіі 1957 года нараджэння. Тэхнічны інспектар пецярбургскага філіяла нарвежскай фірмы, грамадзянін Беларусі 1978 года нараджэння атрымаў траўмы і дастаўлены ў бальніцу. Падзенне будаўнічых лясоў, на якіх знаходзіліся людзі, адбылося ў рэзервуары, які будуецца, аб'ёмам 10 тыс. куб.м. У прычынах трагічнага здарэння таксама разбіраюцца спецыялісты Віцебскага абласнога ўпраўлення Дэпартамента дзяржінспекцыі працы. -0-

БЕЛТА