Адбылося чарговае пасяджэнне раённай камісіі па каардынацыі работы па садзейнічанні занятасці насельніцтва Лепельскага раёна ў рамках рэалізацыі Дэкрэта Прэзідэнта Рэспублікі Беларусь №3 «Аб садзейнічанні занятасці насельніцтва» пад старшынствам намесніка старшыні камісіі Вячаслава Машаро

Асноўнае пытанне — працаўладкаванне асоб, не занятых у эканоміцы і якія вядуць асацыяльны лад жыцця. Таксама з усімі запрошанымі на пасяджэнні праведзена прафілактычная гутарка аб неабходнасці працаўладкавання і аб недапушчальнасці злоўжывання спіртнымі напоямі.

Усім запрошаным былі прапанаваны наяўныя ў раёне вакансіі, растлумачаны парадак звароту ва ўпраўленне па працы, занятасці і сацыяльнай абароне райвыканкама, меры садзейнічання ў працаўладкаванні, прапанавана пераўбучэнне для атрымання запатрабаванай на рынку працы раёна прафесіі.