Бяспека аб'ектаў будаўніцтва — на асаблівым кантролі ў ратавальнікаў.
Бяспека аб'ектаў будаўніцтва — на асаблівым кантролі ў ратавальнікаў.
У
мэтах кантролю забеспячэння пажарнай бяспекі на аб'ектах будаўніцтва
Лепельскага раёна работнікамі сектара нагляду і прафілактыкі Лепельскага
раённага аддзела па НС сумесна з карэспандэнтам газеты «Лепельскі край»
праведзены мерапрыемствы тэхнічнага характару на асабліва значных будоўлях раёна:
будаўніцтве новага дзіцячага сада і фізкультурна-аздараўленчага цэнтра ў
горадзе Лепелі.
Асаблівая ўвага была ўдзелена мабільным (перасоўным) вагончыкам будаўнікоў і
іншым часовым збудаванням на будаўнічых пляцоўках, так званым
вагон-бытоўкам, менавіта яны ў большасці выпадкаў з'яўляюцца аб'ектамі пажараў на
будаўнічых пляцоўках.
Згодна з нормамі, адным з патрабаванняў, на якое звярталі ўвагу ратавальнікі, была
эксплуатацыя печаў завадскога вырабу, бо самаробныя печы не
праходзілі выпрабаванні і не з'яўляюцца настолькі надзейнымі, як зробленыя на
вытворчасці. Без увагі не засталіся і аўтаномныя пажарныя апавяшчальнікі, задача
якіх — апавясціць аб узніклым пажары і тым самым выратаваць жыццё чалавека.
Вогнетушыцелю, правілам яго прымянення таксама было ўдзелена значнае ўвагу.
У ходзе правядзення мерапрыемстваў асноўных грубых парушэнняў выяўлена не
было, аднак і не абышлося без тых аб'ектаў, дзе кіраўнікі і службовыя
асобы будаўнічых арганізацый не з поўнай адказнасцю ставяцца да
забеспячэння пажарнай бяспекі.
У ходзе правядзення мерапрыемстваў работнікам падрадных арганізацый даводзілася
інфармацыя аб парушэннях патрабаванняў пажарнай бяспекі, а таксама
неадкладна прымаліся меры рэагавання па ліквідацыі ўсіх выяўленых парушэнняў.
Газета "Лепельскі край"