Прэзідэнт Беларусі Аляксандр Лукашэнка падпісаў указ №449 "Аб удасканаленні дзяржаўнага рэгулявання ў галіне абароны інфармацыі", паведамілі БЕЛТА ў прэс-службе беларускага лідара.
Дакумент распрацаваны з мэтай актуалізацыі прававых асноў тэхнічнай і крыптаграфічнай абароны інфармацыі, стварэння эфектыўнай нарматыўнай прававой базы для аднясення аб'ектаў інфарматызацыі да крытычна важных, забеспячэння кіберустойлівасці крытычна важных аб'ектаў інфарматызацыі (КВОІ), інфармацыйных сістэм, прадухілення дэструктыўных інфармацыйных уздзеянняў і іншых інфармацыйных пагроз. Указ накіраваны на далейшую рэалізацыю палажэнняў Канцэпцыі нацыянальнай бяспекі і ўзаемазвязаны з Канцэпцыяй інфармацыйнай бяспекі.
Ва ўказе актуалізаваны асноўныя патрабаванні па забеспячэнні тэхнічнай і крыптаграфічнай абароны інфармацыі, удакладняюцца паўнамоцтвы дзяржаўных органаў, а таксама правы і абавязкі ўладальнікаў (уласнікаў) інфармацыйных сістэм і КВОІ. Акрамя таго, скарэкціраваны галіновыя крытэрыі аднясення аб'ектаў інфарматызацыі да крытычна важных. Дадзеная мера дазволіць дадаткова ўключыць у Дзяржаўны рэестр крытычна важных аб'ектаў інфарматызацыі шэраг аб'ектаў паліўна-энергетычнага комплексу, прамысловага і фінансавага сектараў, сферы транспарту і камунікацый, ЖКГ, аховы здароўя і адукацыі.
Рэалізацыя мер, прадугледжаных ва ўказе, дазволіць дзяржаве павялічыць бяспеку і надзейнасць інфармацыйна-камунікацыйных сетак і інфармацыйных сістэм.-0-