3 кастрычніка, Мінск /Кар. БЕЛТА/. Урад Беларусі зацвердзіў праектную дакументацыю Беларускай АЭС. Такое рашэнне змяшчаецца ў пастанове Савета Міністраў №857 ад 30 верасня 2013 года. Пра гэта БЕЛТА паведамілі ў прэс-службе ўрада.
У адпаведнасці з дакументам, тэхніка-эканамічныя паказчыкі аб'екта капітальнага будаўніцтва "Беларуская АЭС" такія: 2 энергаблокі ўсталяванай намінальнай магутнасцю 1194 МВт кожны, пры гэтым усталяваная магутнасць станцыі складзе 2388 МВт, тэрмін працы - 50 гадоў, сярэднегадавы адпуск электраэнергіі пры працы атамнай электрастанцыі ў базавым рэжыме - 17 095,1 млн. кВт.г.
Дадзенай пастановай таксама зацверджаны архітэктурны праект "Беларуская АЭС" (зводка выдаткаў) папярэдняй каштарыснай коштам: 44,582 млрд. расійскіх рублёў у цэнах 2001 года, Br2,9 трлн. у цэнах 2006 года, $340,86 млн.
Пастановай названыя сродкі размеркаваны для ўзвядзення аб'ектаў АЭС, выканання работ падрыхтоўчага перыяду, будаўніцтва вытворчай базы АЭС, аб'яднанай пілотнай вытворчай базы, падстанцыі 110/10 кВ "Вілія", чыгуначнай лініі да АЭС, аўтамабільнай дарогі ад Р-45 (Гоза) - АЭС - Астравец, аўтамабільнай дарогі "Паўднёва-Усходні абход горада Астравец" з выхадам на аўтамабільную дарогу М-7 Мінск - Ашмяны - мяжа Літвы, на выдаткі на выкананне праектна-пошукавых работ і аўтарскага нагляду па пазапляцовачнх інжынерных сетках, на аб'екты жыллёвага фонду, сацыяльнага, бытавога і культурнага прызначэння, на выдачу магутнасці і сувязь з энергасістэмай.
Пастанова ўступіла ў сілу з дня яе прыняцця.-0-
Навіны Беларусі (БЕЛТА)