Захаваць святую памяць — наш абавязак

Ва ўсіх сферах ідзе падрыхтоўка да святкавання 75-годдзя вызвалення Беларусі ад нямецка-фашысцкіх захопнікаў і Дня Перамогі. У сувязі з гэтым адбылося пасяджэнне каардынацыйнага савета, на якое былі запрошаны намеснікі кіраўнікоў па ідэалагічнай рабоце арганізацый, прадпрыемстваў і навучальных устаноў.

Аб сумеснай рабоце савета ветэранаў з арганізацыямі дзяржаўнай улады раёна, грамадскімі арганізацыямі, аб падрыхтоўцы святкавання 75-годдзя вызвалення Беларусі ад нямецка-фашысцкіх захопнікаў і Дня Перамогі расказала начальнік аддзела ідэалагічнай работы, культуры і па справах моладзі райвыканкама Алена Барадзейка.

З мэтай своечасовай падрыхтоўкі да мерапрыемстваў створаны раённы арганізацыйны камітэт па падрыхтоўцы і правядзенні святкавання, зацверджаны план. Старшынёй аргкамітэта з'яўляецца старшыня райвыканкама, у склад уваходзяць старшыня раённага Савета дэпутатаў, намеснікі старшыні райвыканкама, кіраўнікі службаў і аддзелаў, прадпрыемстваў і арганізацый.

28 студзеня бягучага года адбылося пасяджэнне аргкамітэта, на якім быў разгледжаны пытанне аб выніках маніторынгу неабходнасці аказання медыцынскай і сацыяльна-бытавой дапамогі ветэранам і ўдзельнікам Вялікай Айчыннай вайны, сем'ям загінулых удзельнікаў лакальных войнаў і канфліктаў на тэрыторыі іншых дзяржаў, ветэранам баявых дзеянняў, якія атрымалі інваліднасць. Таксама на пасяджэнні гаварылася аб добраўпарадкаванні воінскіх пахаванняў, аб удзеле моладзі ў мерапрыемствах, прысвечаных гэтым датам. Былі вызначаны задачы, а таксама ўстаноўлены тэрміны.
У раёне пражывае дваццаць ветэранаў вайны, з іх дванаццаць удзельнікаў Вялікай Айчыннай, чатыры інваліды, два працаўнікі тылу, два блакаднікі горада Ленінграда. Тэрытарыяльным цэнтрам было праведзена абследаванне ўмоў жыцця ветэранаў, асоб, пацярпелых ад наступстваў войнаў, адзінокіх пажылых грамадзян і адзінокіх інвалідаў першай-другой груп. Былі зацверджаны мерапрыемствы па задавальненні патрэб і запытаў ветэранаў і асоб, пацярпелых ад наступстваў войнаў, якія ў тэрмін не пазней трэцяга ліпеня гэтага года будуць выкананы. За ўсімі асобамі замацаваны арганізацыі і прадпрыемствы раёна для аказання ім неабходнай дапамогі, віншаванняў і заахвочванняў.

У ТЦСАН па стане на першае сакавіка 2019 года ў аддзяленні сацыяльнай дапамогі на доме зарэгістравана 502 чалавекі, з іх ветэранаў Вялікай Айчыннай вайны — тры, адзінокіх пажылых грамадзян-інвалідаў — 101, адзінокіх інвалідаў першай-другой груп — 18, грамадзян, якія маюць абмежаванні здольнасці да самаабслугоўвання і самастойнага перамяшчэння — чатыры. Ветэранам аказваюцца сацыяльна-бытавыя паслугі на доме. Тром ветэранам з першага мая па 31 ліпеня будуць прадастаўляцца паслугі на бязвыплатнай аснове.
У ОКП «Светліца» пражывае 39 чалавек, з іх адзін ветэран Вялікай Айчыннай вайны і адзін інвалід з дзяцінства па наступствах вайны. У межах праекта «Каб не забыць, трэба памятаць» ТЦСАН сумесна з раённым саветам ветэранаў штогод арганізуецца аздараўленне ветэранаў і асоб, пацярпелых ад наступстваў войнаў, у пансіянаце «ЛОДЭ".

У раёне дзейнічае сем валанцёрскіх атрадаў з навучэнцаў і студэнтаў па аказанні бытавых паслуг ветэранам, асобам, пацярпелым ад наступстваў войнаў, адзінокім пажылым грамадзянам і адзінокім інвалідам першай-другой груп.

Лепельскім райвыканкамам праведзены маніторынг месцаў воінскіх пахаванняў і мемарыяльных комплексаў. У дзяржаўны спіс гісторыка-культурных каштоўнасцей па Лепельскім раёне ўключаны пяць воінскіх пахаванняў, з іх адна брацкая магіла 1918-19 года, чатыры пахаванні загінулых у гады Вялікай Айчыннай вайны. Арганізацыямі і сельвыканкамамі, за якімі замацаваны догляд за адпаведнымі пахаваннямі, прымаюцца ўсе неабходныя меры па падтрыманні іх у належным стане, ажыццяўляецца пастаянны догляд, па меры неабходнасці праводзяцца капітальны і касметычны рамонт.

Алена МАРТІНОВІЧ.