Попыт на правядзенне генетычных аналізаў у Беларусі расце, паведаміла дырэктар Інстытута генетыкі і цыталогіі НАН Беларусі Валянціна Лемеш сёння на прэс-канферэнцыі ў прэс-цэнтры БЕЛТА.
Попыт на правядзенне генетычных аналізаў у Беларусі расце, паведаміла дырэктар Інстытута генетыкі і цыталогіі НАН Беларусі Валянціна Лемеш сёння на прэс-канферэнцыі ў прэс-цэнтры БЕЛТА.
"У Рэспубліканскім цэнтры геномных біятэхналогій вельмі развітая медыцынская генетыка. Гэта запатрабаваны напрамак. Мы ўжо правялі больш за 100 тыс. генетычных аналізаў, і попыт на іх пастаянна расце", - сказала Валянціна Лемеш.
Таксама запатрабавана паслуга па генетычным тэсціраванні спартсменаў. "Мы пратэставалі больш за 500 элітных спартсменаў з 30 нацыянальных зборных каманд па генах, звязаных са спартыўнай паспяховасцю, якія вызначаюць спрынтарскія, стаерскія здольнасці. Намі распрацоўваюцца праграмы па так званай экспрэсіі генаў, што вельмі важна для індывідуальнага падыходу да спартсменаў. Трэба ведаць, калі кожны з іх выходзіць на пік формы і калі наступае спад", - адзначыла дырэктар інстытута.
Рэспубліканскі цэнтр геномных біятэхналогій займаецца аказаннем паслуг у галіне малекулярнай генетыкі ў сферах сельскай гаспадаркі, медыцыны, спорту і аховы навакольнага асяроддзя.